Menningarmál

Helsta hlutverk stjórnvalda á sviði menningarmála er að skapa skilyrði fyrir fjölbreytni, sköpun og frumkvæði, stuðla að rannsóknum og miðlun á menningararfi þjóðarinnar auk þess að standa vörð um íslenska tungu.  Þá er lögð áhersla á að efla menningu barna og ungmenna á landinu öllu og að þau séu virkir þátttakendur í menningarlífinu. Aðkoma stjórnvalda að menningarmálum er mörkuð af með löggjöf, stuðningsaðgerðum og rekstri menningarstofnana. Fjölbreytt menningarstarfsemi er mikilvægur þáttur í atvinnulífi þjóðarinnar og hefur víðtæk afleidd áhrif í efnahagslegu tilliti, m.a. í ferðaþjónustu, tæknigreinum, menntun, verslun og þjónustu.