Efnisorð
Tegund

Leita eftir efnisorðum

Sýnir 4101–4150 af 13106
Raða eftir:
27. jan. 2022Úrskurðarnefnd velferðarmála - Félagsþjónusta og húsnæðismál, Úrskurðir, Félags- og húsnæðismálaráðuneytið

Mál nr. 634/2021 - Úrskurður

Fjárhagsaðstoð. Felld úr gildi ákvörðun Kópavogsbæjar um að synja umsókn kæranda um fjárhagsaðstoð. Kærandi hafði lagt fram óyggjandi gögn um að innstæða tiltekins bankareiknings væri ekki í hans eigu og því ekki eign í skilningi 18. gr. reglna Kópavogsbæjar um fjárhagsaðstoð. Þeim þætti kærunnar er laut að kröfu um greiðslu skaða- og miskabóta og að tilmælum yrði beint til sveitarfélagsins var vísað frá.

19. jan. 2022Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 537/2021 - Úrskurður

Sérstakt framlag. Staðfest ákvörðun Sýslumannsins á Norðurlandi Eystra um að hafna beiðni kæranda um úrskurð um sérstakt framlag vegna tannréttinga dóttur hennar. Með vísan til 2. og 3. mgr. 20. gr. a. laga um almannatryggingar er það mat úrskurðarnefndar að beiðni kæranda hafi ekki verið lögð fram innan tilskilinna tímamarka.

19. jan. 2022Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 439/2021 - Úrskurður

Ellilífeyrir. Felld úr gildi ákvörðun Tryggingastofnunar ríkisins um að synja umsókn kæranda um hálfan ellilífeyri og málinu heimvísað til nýrrar meðferðar. Að mati úrskurðarnefndar var Tryggingastofnun ekki heimilt að synja kæranda um hálfan ellilífeyri með vísan til athugasemda með 3. málsl. 4. mgr. 17. gr. laga um almannatryggingar í frumvarpi til laga nr. 75/2020 þegar af þeirri ástæðu að hann væri einungis með 1% starfshlutfall.