Efnisorð
Tegund

Leita eftir efnisorðum

Sýnir 301–350 af 1804
Raða eftir:
29. jan. 2025Menningar-٫ nýsköpunar- og háskólaráðuneytið

Tillögur að uppbyggingu á fæðingarstað Jónasar Hallgrímssonar

Verkefnisstjórn, sem skipuð var í nóvember 2023, hefur skilað af sér tillögum um uppbyggingu að Hrauni í Öxnadal, fæðingarstað Jónasar Hallgrímssonar. Tillögurnar ganga út á metnaðarfulla uppbyggingu á staðnum þar sem aðgengi að fólkvangi og náttúru staðarins er tryggt og gert ráð fyrir nýstárlegri menningarmiðlun, m.a. um framlag Jónasar til íslenskrar menningar.

17. jan. 2025Menningarmál, Menntamál, Vísindi nýsköpun og rannsóknir, Menningar-٫ nýsköpunar- og háskólaráðuneytið

Sænsk-íslenski samstarfssjóðurinn auglýsir eftir umsóknum til ferðastyrkja

Sænsk-íslenski samstarfssjóðurinn auglýsir nú eftir umsóknum til ferðastyrkja til að styðja íslenska þátttakendur í sænsk-íslenskum samstarfsverkefnum. Sænsk-íslenski samstarfssjóðurinn var stofnaður 1995 í kjölfar gjafar Svía til Íslendinga á 50 ára afmæli íslenska lýðveldisins 1994. Hlutverk sjóðsins er að styrkja sænskt-íslenskt samstarf, gagnkvæm menningarsamskipti og upplýsingar um sænska og íslenska menningu og samfélagsmál. Sjóðurinn veitir á ári hverju ferðastyrki fyrir tvíhliða samstarf milli landanna, aðallega á sviði menningar, menntunar og rannsókna.

10. jan. 2025Menningarmál, Menningar-٫ nýsköpunar- og háskólaráðuneytið

Skýrsla um stöðu Listasafn Íslands rædd í ríkisstjórn

Í skýrslunni kemur fram að starfshópnum var fljótt ljóst að ástand húsnæðismála safnsins myndi móta heildarumræður starfshópsins. Safnið hefur verið í sama húsnæði frá árinu 1987 en upprunalega var hluti byggingarinnar reistur sem íshús. Hefur safnkostur margfaldast á þeim tíma og kröfur um aðbúnað til varðveislu og sýningahalds orðið umfangsmeiri. Í safnalögum frá 2011 er Listasafn Ísland flokkað sem eitt af þremur höfuðsöfnum landsins og hlutverk þess eftir því. Sem höfuðsafn á sviði myndlistar er Listasafni Íslands skylt að safna íslenskri myndlist, vera miðstöð varðveislu, rannsókna, heimildasöfnunar og miðlunar á íslenskri myndlist. Listasafn Íslands skal leitast við að koma upp metnaðarfullu safni íslenskrar myndlistar, skrá það, rannsaka, varðveita og miðla, innan lands og utan.

10. jan. 2025Menningarmál, Menningar-٫ nýsköpunar- og háskólaráðuneytið

Leggur til árs framlengingu á stuðningskerfi einkarekinna fjölmiðla

Logi Már Einarsson menningar-, nýsköpunar- og háskólaráðherra lagði fram á ríkisstjórnarfundi í morgun minnisblað um stuðning við einkarekna fjölmiðla. Upplýsti hann þar með ríkisstjórnina um áform sín um að leggja fram frumvarp um áframhaldandi stuðning til einkarekinna fjölmiðla með það að markmiði að viðhalda fyrirsjáanleika í rekstri einkarekinna fjölmiðla og tryggja að þeir geti sinnt lýðræðishlutverki sínu. Frumvarpið mun taka óbreytt upp þau ákvæði sem féllu úr gildi um áramótin og er ráðgert að gildistími frumvarpsins verði eitt ár og er það að fullu fjármagnað í fjárlögum þessa árs.

09. jan. 2025Menningarmál, Menningar-٫ nýsköpunar- og háskólaráðuneytið

Nýr menningarráðherra flutti sitt fyrsta ávarp á Menningarhátíð RÚV

„Það er mér mikill heiður að fá að taka þátt í dagskránni hér í dag og vekja athygli á því frábæra listafólki sem auðgar menningarlíf þjóðarinnar. Listin nærir andann, fær okkur til að hlæja, gráta og heillast. Hún dýpkar skilning á okkur sjálfum og heiminum i kringum okkur. Hún ögrar, eykur samkennd og auðgar líf okkar, tungumál, lýðræði og samfélag. ​Ég tók nýverið við nýju menningar-, nýsköpunar- og háskólaráðuneyti og ætla mér að standa vörð um listir og menningu á Íslandi á næstu mánuðum og árum,“ sagði Logi Már og óskaði bæði viðurkenningarhöfum innileg til hamingju og menningunni allri fyrir gefandi ár.

07. jan. 2025Mennta- og barnamálaráðuneytið, Menningar-٫ nýsköpunar- og háskólaráðuneytið

Úttekt á aðgengi nemenda að hljóðbókum með áherslu á nýbúa

Nýverið var undirritaður samningur milli menningar- og viðskiptaráðuneytisins, mennta- og barnamálaráðuneytisins og ARCUR um úttekt á aðgengi nemenda að hljóðbókaefni á íslensku, bæði námsefni og yndislestrarefni. Úttektinni er ætlað að varpa ljósi á aðgengi leik-, grunn- og framhaldsskólanema að hljóðbókum og mögulegar hindranir. Vilja ráðuneytin líta sérstaklega til nemenda sem ekki hafa íslensku að móðurmáli. Hlustun samhliða því að fylgja eftir texta bókar getur auðveldað þeim að læra íslensku og flýtt fyrir námi þeirra.

06. jan. 2025Forsætisráðuneytið, Menningar-٫ nýsköpunar- og háskólaráðuneytið, Félags- og húsnæðismálaráðuneytið

Flutningur ráðuneytisstjóra

Gissur Pétursson, ráðuneytisstjóri félags- og vinnumarkaðsráðuneytisins, hefur að eigin ósk látið af embætti ráðuneytisstjóra. Ásdís Halla Bragadóttir flyst í embætti ráðuneytisstjóra félags- og vinnumarkaðsráðuneytisins og Sigrún Brynja Einarsdóttir flyst í embætti ráðuneytisstjóra háskóla-, iðnaðar- og nýsköpunarráðuneytisins.

22. des. 2024Menningar-٫ nýsköpunar- og háskólaráðuneytið

Hanna Katrín Friðriksson tekur við lyklum að menningar- og viðskiptaráðuneytinu

Lyklaskipti fóru fram í menningar- og viðskiptaráðuneytinu í dag þegar Lilja Dögg Alfreðsdóttir fráfarandi menningar- og viðskiptaráðherra afhenti Hönnu Katrínu Friðriksson atvinnuvegaráðherra lyklana að ráðuneytinu. Lilja Dögg afhenti Hönnu Katrínu við tilefnið stefnur þeirra málaflokka sem hún verður í forsvari fyrir og óskaði henni góðs gengis.

20. des. 2024Menningar-٫ nýsköpunar- og háskólaráðuneytið, Háskólar, Landsbyggðin, Menntamál

Háskólanám á Austurlandi haustið 2025

Fulltrúar Háskóla Íslands og Hallormsstaðaskóla undirrituðu í dag samstarfssamning við háskóla-, iðnaðar- og nýsköpunarráðuneytið um nám í skapandi sjálfbærni. Námið hefur verið í boði við Hallormsstaðaskóla en með samningnum mun námið nú flytjast á háskólastig. Kennsla hefst haustið 2025 og mun fara fram í Hallormsstaðaskóla.

20. des. 2024Menningar-٫ nýsköpunar- og háskólaráðuneytið, Gervigreind, Nýsköpun, Vísindi nýsköpun og rannsóknir

Ríkisrekstur bættur með nýtingu gervigreindar

Norræna embættismannanefndin um atvinnustefnu hefur veitt samstarfsverkefni Fjársýslu ríkisins og DataLab, íslensks sprotafyrirtækis, styrk að upphæð 24,2 m.kr. til verkefnis sem miðar að því að búa til gervigreindarlausn sem nýta megi í opinberum rekstri til að spá betur fyrir um afkomu og greina hugsanleg frávik frá rekstraráætlunum ríkisstofnana.

19. des. 2024Menningar-٫ nýsköpunar- og háskólaráðuneytið

Gjöf Jóns Sigurðssonar veitt fyrir 23 rit

Gjöf Jóns Sigurðssonar veitir viðurkenningar fyrir rit sem lúta að sögu Íslands, bókmenntum þess, lögum, stjórn eða framförum. Sjóðurinn Gjöf Jóns Sigurðssonar var stofnaður samkvæmt erfðaskrá Ingibjargar Einarsdóttur ekkju Jóns Sigurðssonar forseta, dagsett 12. desember 1879. Alþingi samþykkti reglur um sjóðinn 24. ágúst 1881, og voru þær staðfestar af konungi 27. apríl 1882.

16. des. 2024Menningar-٫ nýsköpunar- og háskólaráðuneytið, Háskólar, Menntamál

Nítján verkefni hljóta stuðning úr þriðja Samstarfi háskóla

Nám í hamfarafræði, rannsóknamiðstöð sjálfsvíga og hátæknilandbúnaður eru meðal þeirra 19 verkefna sem hlutu stuðning úr þriðju úthlutun Samstarfs háskóla. Samanlagt hljóta verkefnin um 893 milljónir króna til að stuðla að auknu samstarfi milli háskóla á Íslandi með það að markmiði að auka gæði háskólanáms og bæta samkeppnishæfni háskólanna.

13. des. 2024Rit og skýrslur, Menntamál, Háskólar, Menningar-٫ nýsköpunar- og háskólaráðuneytið

Handbók um viðurkenningu háskóla á Íslandi

desember 2024 / Menningar-٫ nýsköpunar- og háskólaráðuneytið Handbók um viðurkenningu háskóla á Íslandi Handbók um viðurkenningu háskóla á Íslandi var fyrst gefin út á ensku í júlí 2022 (Criteria for Accreditation of Higher Education Institutions), þar sem úttektaraðilar á háskólastigi eru erlendir sérfræðingar, en íslenska útgáfu Handbók um viðurkenningu háskóla á Íslandi (PDF)

10. des. 2024Menningar-٫ nýsköpunar- og háskólaráðuneytið

Styrkjum til einkarekinna, staðbundinna fjölmiðla utan höfuðborgarsvæðisins úthlutað

Menningar- og viðskiptaráðuneytið hefur úthlutað styrkjum til einkarekinna, staðbundinna fjölmiðla utan höfuðborgarsvæðisins. Markmið með styrkveitingunum er að efla starfsemi staðbundinna fjölmiðla á landsbyggðinni en þeir gegna mikilvægu hlutverki við að tryggja aðgengi almennings að upplýsingum um menningar- og samfélagsmál og styðja með þeim hætti við lýðræðisþátttöku og menningarstarf.

05. des. 2024Innviðaráðuneytið, Vísindi nýsköpun og rannsóknir, Háskólar, Netöryggi, Nýsköpun, Fjarskipti, Menningar-٫ nýsköpunar- og háskólaráðuneytið

Markmið og árangur aðgerða aðgengileg í mælaborði HVIN

Háskóla-, iðnaðar- og nýsköpunarráðuneytið hefur birt nýtt mælaborð á vef ráðuneytisins. Í mælaborðinu má sjá myndræna og lifandi framsetningu á stöðu margvíslegra mælikvarða sem stuðst er við í fjármálaáætlun til að leggja mat á árangur ráðuneytisins.

02. des. 2024Menningar-٫ nýsköpunar- og háskólaráðuneytið, Háskólar, Menntamál

Afdrif útskrifaðra kennara

Könnun um afdrif útskrifaðra kennara úr opinberum háskólum leiðir í ljós að veruleg fjölgun varð á útskrifuðum kennurum frá árinu 2020 og að almenn ánægja er með námið hjá þeim sem útskrifast. Ríflega fimmtungur útskrifaðra telur þó að námið hafi ekki nýst þeim vel í starfi og hefur hlutfallið verið nær óbreytt í áratug. Að jafnaði eru aðeins 5-10% sem starfa við annað en kennslu tveimur árum eftir útskrift.

02. des. 2024Menningar-٫ nýsköpunar- og háskólaráðuneytið

„Takk Maggi og takk íslensk tónlist!“

„Maggi Eiríks, eins og þjóðin þekkir hann, er ekki bara iðinn og fær tónlistarmaður heldur hefur fjölbreytni hans gefið íslensku þjóðinni marga dýrgripi og fyllt fjöldann allan af listafólki innblæstri. Laga- og textasmiðnum, gítarleikaranum og söngvaranum Magga Eiríks eru færðar þakkir frá okkur öllum og um leið vil ég þakka öllu því stórbrotna tónlistarfólki sem flutti lög Magnúsar í gærkvöldi. Ég fyllist enn á ný lotningu yfir þeim fjársjóði sem listafólkið okkar er. Takk Maggi og takk íslensk tónlist!“ segir Lilja Dögg Alfreðsdóttir menningar- og viðskiptaráðherra.

28. nóv. 2024Utanríkisráðuneytið, Menningar-٫ nýsköpunar- og háskólaráðuneytið, Fjármála- og efnahagsráðuneytið

Endurnýjaður þjónustusamningur Íslandsstofu við ríkið um eflingu útflutnings, ferðaþjónustu og fjárfestingar

Menningar- og viðskiptaráðuneytið, fjármála- og efnahagsráðuneytið, utanríkisráðuneytið og Íslandsstofa skrifuðu í dag undir endurnýjaðan þjónustusamning um starfsemi Íslandsstofu, sem gildir frá 1. janúar 2025 til ársloka 2029.

26. nóv. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Fjármála- og efnahagsráðuneytið

GAGNVIST 2024: Gagnastefna Íslands og þróun íslenska gagnavistkerfisins

Miðvikudaginn 27. nóvember stendur Hagstofa Íslands, í samstarfi við háskóla-, iðnaðar- og nýsköpunarráðuneytið, fjármála- og efnahagsráðuneytið og Miðstöð stafrænnar nýsköpunar, fyrir ráðstefnunni GAGNVIST 2024 sem varpar ljósi á þróun íslenska gagnavistkerfisins.

24. nóv. 2024Menningar-٫ nýsköpunar- og háskólaráðuneytið

Þakkarorða íslenskrar tónlistar: miðar aðgengilegir á morgun kl. 12:00

Landsmönnum gefst kostur á að sækja tónleikana með því að sækja boðsmiða á harpa.is/takk frá kl. 12:00 mánudaginn 25.nóvember og gildir þar hið fornkveðna: Fyrstur kemur, fyrstur fær. Tónleikarnir verða einnig teknir upp og sendir út sem hluti af hátíðardagskrá RÚV milli jóla og nýárs í von um að sem flestum gefist kostur á að upplifa þessa einstöku tónlistarveislu.

22. nóv. 2024Menningar-٫ nýsköpunar- og háskólaráðuneytið

Stuðningur við markaðssetningu á Íslandi sem áfangastað ferðamanna

Menningar- og viðskiptaráðherra, Lilja Dögg Alfreðsdóttir, undirritaði í gær samning við Íslandsstofu um markaðssetningu á Íslandi sem áfangastað ferðamanna. Um er að ræða alþjóðlega neytendamarkaðssetningu fyrir íslenska ferðaþjónustu til að fylgja eftir áherslum í Ferðamálastefnu og aðgerðaáætlun hennar til 2030, sem samþykkt var á Alþingi í júní 2024. Samningurinn er einnig hluti af aðgerðum stjórnvalda til að verja gjaldeyristekjur frá ferðaþjónustu.

19. nóv. 2024Menningar-٫ nýsköpunar- og háskólaráðuneytið

Áframhaldandi stuðningur við beint millilandaflug til Akureyrar og Egilsstaða

Dagmar Ýr Stefánsdóttir, framkvæmdastjóri Austurbrúar, lýsti mikilli ánægju með samninginn, sem skapar svigrúm og fyrirsjáanleika þar sem hann er til tveggja ára. „Þessi stuðningur er staðfesting á vilja stjórnvalda til þess að byggja upp fleiri gáttir inn í landið, stuðla að vöruþróun í ferðaþjónustu og uppbyggingu áfangastaðarins Austurlands.“

16. nóv. 2024Menningar-٫ nýsköpunar- og háskólaráðuneytið, Menningarmál

Ari Eldjárn hlýtur verðlaun Jónasar Hallgrímssonar

Menningar- og viðskiptaráðherra Lilja Dögg Alfreðsdóttir veitti rétt í þessu verðlaun Jónasar Hallgrímssonar í 29. skiptið í Eddu. Verðlaunin eru veitt einstaklingum sem hafa með sérstökum hætti unnið íslenskri tungu gagn í ræðu eða riti, með skáldskap, fræðistörfum eða kennslu og stuðlað að eflingu hennar, framgangi eða miðlun til nýrrar kynslóðar.

15. nóv. 2024Menningar-٫ nýsköpunar- og háskólaráðuneytið

Mál með vexti: Hvað ætlar þú að gera fyrir framtíð íslenskunnar?

„Tungumálið er farvegur hugsana okkar og lykilinn að sameiginlegum skilningi. Þess vegna þarf íslenskan að vera fyrst. Hún þarf að vera fremst, okkur efst í huga og allt umlykjandi. Það er verkefni sem vinnst með seiglu, ástríðu og því að vera opin fyrir hugmyndum og samvinnu og því þurfum við að spyrja okkur, hvað ætla ég að gera fyrir framtíð íslenskunnar? Einmitt afþví að við eigum hana öll saman, þurfum við að hlúa að henni sem sameiginlegu djásni svo hún lifi enn góðu lífi eftir önnur 200 ár,“ segir ráðherra og minnir á að dagur íslenskrar tungu sé frábær dagur til þess.

12. nóv. 2024Menningarmál, Menningar-٫ nýsköpunar- og háskólaráðuneytið

Styrkir til menningarsamstarfs milli Noregs og Íslands - opið fyrir umsóknir til 3.des

Norsk stjórnvöld leggja árlega til peninga framlag til norsks-íslensks menningarsamstarfs. Markmið framlagsins er að stuðla að fjölbreyttu menningarsamstarfi milli Noregs og Íslands. Þau sem starfa á sviði lista og menningar í Noregi og á Íslandi geta nú sótt um styrki til fjölbreyttra samstarfsverkefna á sviði menningar sem skapa tengsl milli listamanna og þeirra sem starfa við menningarmál. Norskir og íslenskir listamenn, menningarstarfsmenn, menningarstofnanir og samtök geta því sótt um styrk.