Efnisorð
Tegund

Leita eftir efnisorðum

Sýnir 1351–1400 af 2979
Raða eftir:
12. mar. 2021Forsætisráðuneytið, Heilbrigðisráðuneytið, Innviðaráðuneytið, Umhverfis-٫ orku- og loftslagsráðuneytið, Almannaöryggi, Atvinnuvegaráðuneytið, Dómsmálaráðuneytið, Fjármála- og efnahagsráðuneytið

Undirbúa vernd mikilvægra innviða vegna mögulegra eldsumbrota

Ríkisstjórnin ákvað á fundi sínum í dag að fela hópi ráðuneytisstjóra að leiða nauðsynlega vinnu við undirbúning verndar mikilvægra innviða vegna mögulegra eldsumbrota á Reykjanesi. Huga þarf að hröðum og öruggum viðbrögðum við mögulegum eldsumbrotum, styðja við vinnu heimaaðila og tryggja um leið fyllsta öryggi íbúa.

09. mar. 2021Heilbrigðisráðuneytið, Heilbrigðismál, Líf og heilsa

Nýsköpun í öldrunarþjónustu verður til á gamla Sólvangi

Heilbrigðisráðuneytið og Hafnarfjarðarbær hafa gert með sér samning sem felur í sér endurgerð húsnæðis gamla Sólvangs þar sem komið verður á fót nýrri tegund sérhæfðrar þjónustu fyrir aldraða. Heilbrigðisráðherra og bæjarstjóri undirrituðu samninginn á Sólvangi í dag. Í húsinu verða rými til skammtíma- og hvíldarinnlagna fyrir 39 einstaklinga þar sem veitt verður létt endurhæfing og lagt mat á frekari stuðningsþarfir viðkomandi. Gert er ráð fyrir að árlega verði hægt að veita að minnsta kosti 250 einstaklingum þessa þjónustu. Markmiðið er að efla getu fólks til að búa lengur heima. Að auki verður opnuð ný hjúkrunardeild í húsinu með aðstöðu fyrir 11 einstaklinga. Heilbrigðisráðuneytið mun veita Hafnarfjarðarbæ 120 milljónir króna vegna verkefnisins.

04. mar. 2021Heilbrigðisráðuneytið, Líf og heilsa

Rafrænir fylgiseðlar með lyfjum teknir í notkun

Tilraunaverkefni sem heilbrigðisráðuneytið efndi til um notkun rafrænna fylgiseðla með lyfjum er hafið. Verkefnið einskorðast við notkun rafrænna fylgiseðla með tilteknum H-merktum lyfjum sem eingöngu eru ætluð til notkunar á sjúkrahúsum og heilbrigðisstofnunum. Markmiðið er að meta hvort það að nota rafræna fylgiseðla eingöngu, tryggi með fullnægjandi hætti örugga lyfjameðferð sjúklings og jafnframt hvort notkun þeirra geti leitt til þess að H-merktum lyfjum á markaði fjölgi.

04. mar. 2021Heilbrigðisráðuneytið, Líf og heilsa

Heilbrigðisstofnun Suðurlands falinn rekstur Hraunbúða í Vestmannaeyjum

Heilbrigðisstofnun Suðurlands (HSU) tekur við rekstri hjúkrunarheimilisins Hraunbúða í Vestmannaeyjum 1. apríl næstkomandi, í kjölfar uppsagnar bæjarfélagsins á rekstrarsamningi við Sjúkratryggingar Íslands. Forstjóri HSU telur þetta falla vel að rekstri stofnunarinnar en þar er þegar fyrir þekking og reynsla af rekstri hjúkrunarheimila. Á Hraunbúðum eru hjúkrunarrými fyrir 31 íbúa en HSU rekur fyrir hjúkrunarrými fyrir 9 íbúa í Vestmannaeyjum og 42 hjúkrunarrými á Selfossi.

03. mar. 2021Heilbrigðisráðuneytið, Líf og heilsa

Heilbrigðisstofnun Austurlands falinn rekstur hjúkrunarheimila í Fjarðabyggð

Heilbrigðisstofnun Austurlands (HSA) tekur við rekstri hjúkrunarheimilanna Hulduhlíðar á Eskifirði og Uppsala á Fáskrúðsfirði 1. apríl næstkomandi. Á hvoru heimili um sig eru hjúkrunarrými fyrir 20 íbúa. Forstjóri HSA segir að stofnunin muni leggja metnað sinn í að tryggja íbúunum áframhaldandi góða þjónustu og leggur áherslu á að hagsmunir þeirra verði hafðir í forgrunni.

02. mar. 2021Heilbrigðisráðuneytið, Heilbrigðismál, Líf og heilsa

Óskað upplýsinga um getu Landspítala til að annast greiningu leghálssýna

Í kjölfar ummæla yfirlæknis meinafræðideildar Landspítala í fjölmiðlum um að Landspítali geti annast greiningu leghálssýna vegna krabbameinsskimunar hefur ráðuneytið óskað eftir því að spítalinn staðfesti vilja sinn þessa efnis. Óskað er eftir því að spítalinn geri grein fyrir því til hvaða aðgerða hann þyrfti að grípa til að annast umrædda starfsemi þannig að hún uppfylli viðmið um gæði, öryggi og skilvirkni.

02. mar. 2021Heilbrigðisráðuneytið, Líf og heilsa

Athugasemdir við málflutning formanns velferðarnefndar í fjölmiðlum

Heilbrigðisráðuneytið gerir alvarlegar athugasemdir við málflutning formanns velferðarnefndar í sjónvarpsfréttum RÚV kl. 22.00 í gær. Formaðurinn tjáði sig þar um viðkvæm málefni sem rædd voru á lokuðum nefndarfundi og varða talmeinafræðinga, sjúkraþjálfara og hjúkrunarheimili sem rekin eru á vegum sveitarfélaga. Í þingskaparlögum er afdráttarlaust kveðið á um að trúnaður skuli ríkja um málefni sem rædd eru á lokuðum nefndarfundum. Heilbrigðisráðuneytið verður að geta treyst því að samskipti við velferðarnefnd byggi á heilindum, virðingu fyrir þeim málum sem þar eru til umfjöllunar og að trúnaðar sé gætt líkt og áskilið er í lögum.…

01. mar. 2021Heilbrigðisráðuneytið, Covid-19, Líf og heilsa

COVID-19: Upplýsingar um bólusetningar í viku hverri

Um 8.900 einstaklingar verða bólusettir á landsvísu í þessari viku, þ.e. dagana 1. – 7. mars. Þetta kemur fram í tilkynningu sóttvarnalæknis í dag sem birtir áætlun um bólusetningar hverrar viku á vef embættis landlæknis. Eins og fram kemur í tilkynningunni verða einstaklingar í aldurshópnum 80 ára og eldri bólusettir með 4.600 skömmtum af bóluefni Pfizer og 4.300 starfsmenn hjúkrunar- og dvalarheimila verða bólusettir með bóluefni Astra Zeneca. Allt bóluefni sem fer í dreifingu í vikunni verður notað til að bólusetja fyrri bólusetningu.

26. feb. 2021Heilbrigðisráðuneytið, Heilbrigðismál, Líf og heilsa

Svör við spurningum þriggja lækna um krabbameinsskimanir

Heilbrigðisráðuneytið birtir hér með svör við sjö tölusettum spurningum þriggja lækna til heilbrigðisráðherra varðandi krabbameinsskimanir sem birtust í grein eftir þá í Morgunblaðinu í gær. Svörin veita meðal annars upplýsingar um aðdraganda þess að samið var við rannsóknarstofu sjúkrahússins í Hvidovre í Danmörku um úrlestur sýna, en eins og fram kemur m.a. í meðfylgjandi svörum sá Landspítali ýmis tormerki á því að sinna þeirri þjónustu og taldi „ekki ástæðu til að óska eftir að sinna þessari rannsóknarstarfsemi“ eins og segir í svarbréfi spítalans við erindi Heilsugæslu höfuðborgarsvæðisins þegar eftir þessu var leitað.

25. feb. 2021Heilbrigðisráðuneytið, Líf og heilsa

Til umsagnar: Frumvarp til breytinga á lögum vegna vinnslu iðnaðarhamps

Birt hafa verið í samráðsgátt drög að frumvarpi heilbrigðisráðherra til breytinga á lögum um ávana- og fíkniefni vegna vinnslu iðnaðarhamps. Með frumvarpinu er lagt til að stjórnsýsla og verkefni sem varða innflutning á fræjum til landsins til ræktunar á iðnaðarhampi verði færð frá Lyfjastofnun til Matvælastofnunar. Umsagnarfrestur er til 4. mars.

24. feb. 2021Heilbrigðisráðuneytið, Líf og heilsa

Nýtt fjármögnunarkerfi heilsugæslu á landsbyggðinni

Um síðustu áramót tók gildi nýtt fjármögnunarlíkan fyrir heilsugæslu á landsbyggðinni. Þetta er liður í að innleiða þjónustutengda fjármögnun heilbrigðisþjónustu um allt land í samræmi við Heilbrigðisstefnu til ársins 2030. Nýja kerfið byggist í meginatriðum á sömu þáttum og liggja til grundvallar fjármögnunarlíkani heilsugæslu á höfuðborgarsvæðinu sem innleitt var árið 2017 og hefur gefið góða raun. Markmiðið er að auka gæði og skilvirkni þjónustunnar og stuðla að því að grunnheilbrigðisþjónusta sé veitt í sem mestum mæli á heilsugæslustöðvum.

24. feb. 2021Heilbrigðisráðuneytið

Krabbameinsskimun í heilsugæslunni: Gott aðgengi, lægri gjaldtaka, öruggar rannsóknir

Ný rannsóknaraðferð, þ.e. HPV frumuskimun var tekin upp hér á landi um áramótin þegar ábyrgð á framkvæmd reglubundinnar skimunar fyrir leghálskrabbameini færðist til heilsugæslunnar. Síðar á þessu ári er gert ráð fyrir að sjálftökupróf verði einnig liður í skimunum hér á landi en markmiðið með því er að ná til kvenna sem annars mæta sjaldan í skimun. Góð þátttaka í skimun er forsenda árangurs. Þess er vænst að greitt aðgengi að þessari þjónustu í heilsugæslunni og lágur kostnaður fyrir notendur muni auka þátttöku í skimunum hér á landi. Þátttakan hefur verið innan við 70% á liðnum árum en stefnt er að því að hún verði um eða yfir 85% þegar fram líða stundir. Fjallað er um breytt fyrirkomulag þessara skimana í nýjum pistil á vef Heilsugæslu höfuðborgarsvæðisins.…

23. feb. 2021Heilbrigðisráðuneytið, Covid-19, Mennta- og barnamálaráðuneytið, Líf og heilsa

COVID-19: Létt á takmörkunum í skólastarfi frá 24. febrúar

Almennt verður heimilaður hámarksfjöldi nemenda 150 í hverju rými og blöndun milli sóttvarnahólfa heimil á öllum skólastigum, líka í háskólum. Regla um nándarmörk verður 1 metri í stað tveggja og gildir það jafnt milli nemenda og starfsfólks. Aðeins þarf að bera grímur ef ekki er unnt að virða 1 metra regluna. Á öllum skólastigum öðrum en á háskólastigi verður foreldrum, aðstandendum og öðrum utanaðkomandi heimilt að koma inn í skólabyggingar, að uppfylltum reglum um sóttvarnir. Þetta eru meginbreytingarnar á takmörkun skólastarfs sem heilbrigðisráðherra hefur ákveðið, í samræmi við tillögur sóttvarnalæknis og að höfðu samráði við mennta- og menningarmálaráðuneytið.

23. feb. 2021Heilbrigðisráðuneytið, Covid-19, Líf og heilsa

COVID-19: Fjöldatakmörk verða 50 manns frá 24. febrúar

Almennar fjöldatakmarkanir verða 50 manns samkvæmt nýjum reglum um samkomutakmarkanir sem taka gildi 24. febrúar. Heimilt verður að hafa að hámarki 200 viðskiptavini í verslunum, á söfnum, í kirkjum og á tilteknum viðburðum. Sund- og baðstöðum og skíðasvæðum verður heimilt að taka á móti 75% af leyfilegum hámarksfjölda gesta. Sama máli gegnir um heilsu- og líkamsræktarstöðvar en þar er jafnframt óheimilt að hafa fleiri en 50 manns í rými. Á íþróttakeppnum verður nú heimilt að hafa áhorfendur. Þetta er megininntak tilslakana á samkomutakmörkunum sem heilbrigðisráðherra hefur ákveðið að gera í samræmi við tillögur sóttvarnalæknis.

22. feb. 2021Heilbrigðisráðuneytið, Líf og heilsa

Ný reglugerð um notkun leysa, leysibenda og IPL-tækja

Heilbrigðisráðherra hefur sett nýja reglugerð sem kveður á um innflutning og notkun leysa, leysibenda og IPL-tækja. Með reglugerðinni eru settar skýrar kröfur um menntun þeirra sem heimilt er að nota þessi tæki, meðal annars vegna meðferða í fegrunarskyni. Enn fremur er skýrt kveðið á um aðkomu og ábyrgð læknis, hvort sem um er að ræða læknisfræðilega notkun þessara tækja eða notkun þeirra í fegrunarskyni.

19. feb. 2021Heilbrigðisráðuneytið, Covid-19, Líf og heilsa

COVID-19: Bólusetningardagatal

Heilbrigðisráðuneytið í samvinnu við sóttvarnalækni hefur útbúið bólusetningardagatal vegna COVID-19, miðað við fyrirliggjandi upplýsingar um afhendingu bóluefna og áætlanir þar að lútandi. Dagatalinu er ætlað að gefa fólki vísbendingu um hvenær líklegt er að bólusetning hefjist í einstökum forgangshópum. Dagatalið er birt með fyrirvara, enda að hluta til um áætlun að ræða sem mun taka breytingum. Gangi forsendur eftir lýkur bólusetningu gegn COVID-19 hér á landi fyrir lok júní næstkomandi.

19. feb. 2021Heilbrigðisráðuneytið, Líf og heilsa

Endurhæfingarteymi tekið til starfa við Heilbrigðisstofnun Austurlands

Heilbrigðisstofnun Austurlands (HSA) hefur sett á fót þverfaglegt endurhæfingarteymi sem mun styðja við og efla endurhæfingu fyrir íbúa á Austurlandi. Stofnun teymisins er liður í framkvæmd aðgerðaáætlunar um endurhæfingu til fimm ára sem heilbrigðisráðherra kynnti í lok síðasta árs. Áætlunin gerir ráð fyrir að stofnuð verði endurhæfingarteymi í öllum heilbrigðisumdæmum landsins og er teymið við HSA það fyrsta sem tekur til starfa.

19. feb. 2021Heilbrigðisráðuneytið

Til umsagnar: Frumvarp um afglæpavæðingu neysluskammta

Birt hafa verið til umsagnar í samráðsgátt stjórnvalda drög að frumvarpi heilbrigðisráðherra til breytinga á lögum um ávana- og fíkniefni sem fjallar um afglæðavæðingu neysluskammta. Frumvarpið byggist á hugmyndafræði skaðaminnkunar með áherslu á að draga úr neikvæðum afleiðingum vímuefnanotkunar, hvort heldur hjá notandanum, fjölskyldum hlutaðeigandi, nærsamfélagi notandans og samfélagsins í heild. Umsagnarfrestur er til og með 1. mars 2021.

19. feb. 2021Heilbrigðisráðuneytið, Líf og heilsa

Til umsagnar: Tillaga til þingsályktunar um lýðheilsustefnu

Birt hafa verið til umsagnar í samráðsgátt stjórnvalda drög að tillögu heilbrigðisráðherra til þingsályktunar um lýðheilsustefnu til ársins 2030. Í stefnudrögunum er skilgreind framtíðarsýn fyrir lýðheilsu á Íslandi og fjallað um hvernig styrkja megi stoðir lýðheilsustarfs hér á landi til framtíðar. Tillagan er sett fram með hliðsjón af heilbrigðisstefnu til ársins 2030 og byggir á sömu meginviðfangsefnum.

19. feb. 2021Heilbrigðisráðuneytið, Líf og heilsa

Styrkir til gæða- og nýsköpunarverkefna í heilbrigðisþjónustu lausir til umsóknar

Heilbrigðisráðuneytið auglýsir eftir umsóknum um styrki til gæða- og nýsköpunarverkefna í heilbrigðisþjónustu. Veittir verða styrkir til afmarkaðra verkefna og tæknilausna sem stuðlað geta að umbótum, nýbreytni eða auknum gæðum. Ekki eru veittir ferðastyrkir. Að þessu sinni er sérstök áhersla lögð á verkefni sem nýtast heilbrigðisþjónustunni í kjölfar heimsfaraldurs. Verkefnin þurfa að hafa skýran ávinning fyrir heilbrigðisþjónustuna og þann hóp sem þjónustan beinist að.

16. feb. 2021Heilbrigðisráðuneytið, Líf og heilsa

Ráðherra staðfestir reglugerð um stofnun og rekstur neyslurýma

Heilbrigðisráðherra hefur staðfest reglugerð um stofnun og rekstur neyslurýma. Reglugerðin er sett með ákvæði til bráðabirgða sem gerir verkefninu Frú Ragnheiði, sem Rauði krossinn í Reykjavík rekur, kleift að nýta annan af tveimur bílum Frú Ragnheiðar tímabundið sem neyslurými þar til varanlegt rými samkvæmt ákvæðum reglugerðarinnar hefur verið opnað.

16. feb. 2021Ræður og greinar, Heilbrigðisráðuneytið, Covid-19, Líf og heilsa

Hraðari afhending bóluefna

16 febrúar 2021 / Heilbrigðisráðuneytið Hraðari afhending bóluefna Svandís Svavarsdóttir heilbrigðisráðherra Svandís Svavarsdóttir heilbrigðisráðherra skrifar: Staðan á Covid-19-faraldrinum er góð hérlendis í alþjóðlegum samanburði. Ísland er í grænum flokki samkvæmt litakóðunarkerfi á korti Sóttvarnastofnunar Evrópu en land fær grænan lit ef nýgengi smita síðustu fjórtán daga á hverja 100 þúsund íbúa er undir 25 og hlutfall jákvæðra sýna undir 4%. Í gær, 15

16. feb. 2021Heilbrigðisráðuneytið, Covid-19, Líf og heilsa

COVID-19: Spornað gegn útbreiðslu smita með hertum aðgerðum á landamærum

Öllum sem koma til landsins frá og með 19. febrúar næstkomandi verður skylt að framvísa nýlegu vottorði um neikvæða niðurstöðu úr PCR-prófi fyrir brottför á leið til Íslands og á landamærum við komuna. Kemur sú ráðstöfun til viðbótar kröfu um tvöfalda skimun. Frá sama tíma verður þeim sem greinast með COVID-19 við skimun á landamærum skylt að dvelja í sóttvarnahúsi ef önnur viðunandi aðstaða til einangrunar er ekki fyrir hendi eða ef einstaklingur er með afbrigði veirunnar sem eru þekkt fyrir að vera meira smitandi en önnur eða valda alvarlegri veikindum. Heilbrigðisráðherra kynnti ákvörðun þessa efnis á fundi ríkisstjórnar í dag og er hún í samræmi við tillögur sóttvarnalæknis um hertar aðgerðir á landamærum.

15. feb. 2021Heilbrigðisráðuneytið, Covid-19, Líf og heilsa

COVID-19: Bólusetning verður langt komin í lok júní

Gera má ráð fyrir að hægt verði að bólusetja tæplega 190.000 einstaklinga hér á landi fyrir lok júní næstkomandi með bóluefnum Pfizer, AstraZeneca og Moderna sem öll eru með markaðsleyfi og komin í notkun hér á landi. Þetta er mun meira en áður var vænst. Mestu munar annars vegar um nýjan samning Evrópusambandsins við Pfizer sem tryggir Íslandi bóluefni fyrir 25.000 til 30.000 manns strax á öðrum ársfjórðungi, til viðbótar fyrri samningum. Gert er ráð fyrir að Ísland undirriti samning um aukið magn bóluefna frá Pfizer á grundvelli nýs samnings Evrópusambandsins fyrir lok þessarar viku. Einnig mun aukin framleiðslugeta AstraZeneca hafa áhrif. Alls verður rúmlega 280.000 einstaklingum boðin bólusetning hér á landi, þ.e. öllum sem eru 16 ára og eldri..…

15. feb. 2021Heilbrigðisráðuneytið, Líf og heilsa, Annað

Styrkir til gæða- og nýsköpunarverkefna í heilbrigðisþjónustu

/ Heilbrigðisráðuneytið Styrkir til gæða- og nýsköpunarverkefna í heilbrigðisþjónustu Heilbrigðisráðuneytið auglýsir árlega eftir umsóknum um styrki til gæða- og nýsköpunarverkefna í heilbrigðisþjónustu. Tilgangur styrkveitinganna er að stuðla að umbótastarfi, nýbreytni og auknum gæðum heilbrigðisþjónustu og jafnframt eru þeir ætlaðir sem hvatning og viðurkenning fyrir störf á þessu sviði. Auglýsing: Styrkir til gæða- og nýsköðunarverkefna í heilbrigðisþjónustu 2023 lausir til umsóknar Efnisorð

15. feb. 2021Heilbrigðisráðuneytið, Covid-19, Líf og heilsa

COVID-19: Kröfur til skyndigreiningarprófa

Heilbrigðisráðherra hefur birt í Stjórnartíðindum fagleg fyrirmæli embættis landlæknis um skyndigreiningarpróf sem heimilt verður að nota hér á landi. Aðeins verður heimilt að nota próf sem mæla mótefnavaka (antigen) og þá einungis þau skyndigreiningarpróf sem hlotið hafa tilskilin leyfi heilbrigðisráðuneytisins. Gerð er krafa um að jákvæðar niðurstöður úr skyndigreiningarprófi verði staðfestar með RT-PCR prófi til að tryggja raðgreiningu veirunnar.

11. feb. 2021Heilbrigðisráðuneytið, Covid-19, Líf og heilsa

COVID 19: Fyrirliggjandi upplýsingar um afhendingu bóluefna

Ísland hefur samið við fimm lyfjaframleiðendur um bóluefni gegn COVID-19. Bóluefni þriggja þeirra eru komin með markaðsleyfi og bólusetning með þeim hafin hér á landi. Samningar Íslands um þessi þrjú bóluefni, þ.e. Pfizer, AstraZeneca og Moderna, kveða á um skammta sem duga til að bólusetja 304.000 einstaklinga. Samkvæmt fyrirliggjandi áætlunum um afhendingu þessara bóluefna er gert ráð fyrir að í lok mars hafi Íslandi borist bóluefni fyrir samtals um 45.000 einstaklinga.

09. feb. 2021Heilbrigðisráðuneytið, Líf og heilsa

Ráðherra úthlutar 85 milljónum króna í styrki úr Lýðheilsusjóði

Svandís Svavarsdóttir heilbrigðisráðherra hefur úthlutað 85 milljónum króna í styrki úr Lýðheilsusjóði til 174 verkefna og rannsókna sem m.a. hafa að markmiði að efla geðheilsu barna og fullorðinna. Einnig voru veittir styrkir til verkefna tengdum áfengis- vímu- og tóbaksvörnum, næringu, hreyfingu og kynheilbrigði. Hæstu styrkirnir, 2,5 milljónir króna renna til þriggja verkefna. Háskóli Íslands fær 2,5 milljónir króna vegna þátttöku í alþjóðlegum rannsóknum á heilsu og líðan ungmenna, SÁÁ fær sömu styrkfjárhæð vegna sálfræðiþjónustu fyrir börn alkóhólista og Rannsóknir og greining vegna rannsóknar á högum og líðan ungmenna á tímum COVID-19.

08. feb. 2021Heilbrigðisráðuneytið, Líf og heilsa

Ríkið sýknað í Hæstarétti af kröfu Grundar, Áss og Hrafnistu um greiðslu húsaleigu

Hæstiréttur hefur staðfest dóma Landsréttar þar sem ríkið er sýknað af kröfum Grundar hjúkrunarheimilis og Dvalarheimilisins Áss í Hveragerði annars vegar og Hrafnistu í Laugarási og Hraunvangi hins vegar, um að ríkið skuli greiða þeim endurgjald fyrir fasteignir sem þeir lögðu til undir starfsemi sína á árunum 2013 – 2016.

08. feb. 2021Heilbrigðisráðuneytið, Covid-19, Líf og heilsa

Breyting á sóttvarnalögum samþykkt á Alþingi

Frumvarp Svandísar Svavarsdóttur heilbrigðisráðherra til breytinga á sóttvarnalögum var samþykkt á Alþingi í liðinni viku með öllum greiddum atkvæðum. Með lagabreytingunni er kveðið skýrar á um til hvaða ráðstafana er heimilt að grípa vegna farsóttarhættu og útbreiðslu smits, í hvaða tilvikum og með tilliti til meðalhófssjónarmiða. Markmið breytinganna er að tryggja að slíkar skerðingar á stjórnarskrárvörðum réttindum fólks styðjist við viðhlítandi lagaheimild og séu ekki framkvæmdar nema í þágu almannahagsmuna eða til verndar heilsu eða réttindum annarra. Með lagabreytingunni er kveðið á um að meðan á sóttvarnaaðgerðum stendur skuli ráðherra upplýsa Alþingi um sóttvarnaaðgerðir með mánaðarlegri skýrslugjöf hafi aðgerð varað lengur en í tvo mánuði.

06. feb. 2021Ræður og greinar, Heilbrigðisráðuneytið, Líf og heilsa

Heilsa út frá kynja- og jafnréttissjónarmiðum

06 febrúar 2021 / Heilbrigðisráðuneytið Heilsa út frá kynja- og jafnréttissjónarmiðum Heilbrigðisráðuneytið Svandís Svavarsdóttir heilbrigðisráðherra Svandís Svavarsdóttir heilbrigðisráðherra skrifar: Í nýrri úttekt um heilsu út frá jafnréttis- og kynjasjónarmiðum kemur fram að konur virðast búa við lakara heilsufar og verri lífsgæði en karlar og að ástæður þess megi rekja að hluta til félagslegrar og efnahagslegrar stöðu þeirra í samfélaginu. Í úttektinni eru gerðar ýmsar tillögur til úrbóta þar sem áhersla er lögð á að auka heilsufarslegan jöfnuð og stuðla að jöfnu aðgengi allra að heilbrigðisþjónustu. Í fyrra fól ég Finnborgu S

05. feb. 2021Heilbrigðisráðuneytið, Covid-19, Líf og heilsa

COVID 19: Varfærnar tilslakanir á samkomutakmörkunum frá 8. febrúar

Svandís Svavarsdóttir heilbrigðisráðherra hefur samþykkt tillögur sóttvarnalæknis sem fela í sér varfærnar tilslakanir á samkomutakmörkunum frá 8. febrúar. Almennar fjöldatakmarkanir verða áfram 20 manns en með rýmri undantekningum en hingað til. Reglur um 2 metra nálægðarmörk og grímuskyldu verða óbreyttar. Heimilt verður að opna að nýju skemmtistaði, krár, spilasali og spilakassa að uppfylltum skilyrðum. Fjöldatakmörk gesta í sviðslistum verða aukin úr 100 í 150 manns og trú- og lífsskoðunarfélögum verður heimilt að halda athafnir, þar með taldar útfarir, með 150 manns að hámarki. Hámarksfjöldi viðskiptavina í verslunum verður 150 manns með hliðsjón af fermetrafjölda og sama gildir um gesti á söfnum.…

04. feb. 2021Heilbrigðisráðuneytið, Líf og heilsa

Heilsa og heilbrigðisþjónusta í ljósi kynja- og jafnréttissjónarmiða

Konur virðast búa við lakara heilsufar og verri lífsgæði en karlar og má rekja ástæður þess að hluta til félagslegrar og efnahagslegrar stöðu þeirra í samfélaginu. Þetta er meðal þess sem kemur fram í nýrri úttekt sem Finnborg S. Steinþórsdóttir, nýdoktor í kynjafræði, vann fyrir heilbrigðisráðuneytið þar sem heilsufar kynjanna er kortlagt úr frá kynja- og jafnréttissjónarmiðum og lagt mat á hvort heilbrigðisþjónustan mæti ólíkum þörfum kynjanna. Í skýrslu Finnbjargar um efnið eru gerðar ýmsar tillögur til úrbóta þar sem áhersla er lögð á að auka heilsufarslegan jöfnuð og stuðla að jöfnu aðgengi allra að heilbrigðisþjónustu.

04. feb. 2021Heilbrigðisráðuneytið, Líf og heilsa

Umsækjendur um embætti skrifstofustjóra á skrifstofu sjúkrahúsa og sérþjónustu

Alls bárust 13 umsóknir um embætti skrifstofustjóra skrifstofu sjúkrahúsa og sérþjónustu í heilbrigðisráðuneytinu en umsóknarfrestur rann út 1. febrúar síðastliðinn. Þriggja manna hæfnisnefnd sem starfar samkvæmt reglum um ráðgefandi nefndir sem meta hæfni umsækjenda um embætti við Stjórnarráðið, mun nú meta hæfni umsækjenda og skila greinargerð með niðurstöðum sínum til heilbrigðisráðherra.

03. feb. 2021Heilbrigðisráðuneytið

Undirritun samnings Íslands um bóluefni CureVac

Undirritaður hefur verið samningur Íslands um kaup á bóluefni lyfjaframleiðandans CureVac gegn COVID-19 sem dugir fyrir um 90.000 einstaklinga. Vonir standa til að afhending bóluefnisins geti hafist á öðrum fjórðungi þessa árs, að undangengnu mati Lyfjastofnunar Evrópu og útgáfu markaðsleyfis en bóluefnið er nú í fasa III í prófunum. Bóluefnið er af sömu gerð og bóluefni Pfizer og Moderna, að því leyti að hluti af RNA erfðaefni veiru er notað til að vekja mótefnasvar hjá bólusettum einstaklingum. Bólusetja þarf hvern og einn tvisvar sinnum með bóluefninu til að ná fullri virkni.

28. jan. 2021Ræður og greinar, Heilbrigðisráðuneytið, Líf og heilsa

Aukin göngudeildarþjónusta

28 janúar 2021 / Heilbrigðisráðuneytið Aukin göngudeildarþjónusta Heilbrigðisráðuneyti Svandís Svavarsdóttir heilbrigðisráðherra Í heilbrigðisstefnu til ársins 2030 kemur fram það markmið að árið 2030 verði byggingaframkvæmdum við Landspítala við Hringbraut og Sjúkrahúsið á Akureyri lokið og að þar verði góð aðstaða til að veita bráða og valkvæða heilbrigðisþjónustu og öfluga þjónustu á dag- og göngudeildum.

26. jan. 2021Heilbrigðisráðuneytið, Líf og heilsa

Umfangsmikil þjónusta í endurgerðu húsnæði Landspítala á Eiríksstöðum

Landspítali tók fyrir helgi við 3.400 fermetra húsnæði við Eiríksgötu 5 eftir gagngerar breytingar og endurbætur sem gera kleift að sinna þar fjölbreyttri klínískri starfsemi á vegum spítalans. Í húsinu verður veitt göngudeildarþjónusta vegna gigtarsjúkdóma, innkirtlasjúkdóma, erfðaráðgjafar og augnsjúkdóma. Þar verður jafnframt heildstæð göngudeildarþjónusta við konur með krabbamein í brjósti, allt frá skimun til eftirlits að lokinni meðferð. Í húsnæðinu sem kallast Eiríksstaðir eru sérhæfð rými fyrir þessa starfsemi, s.s. skurðstofur, röntgenstofur, skimunaraðstaða, skoðunarrými og viðtalsherbergi.

25. jan. 2021Heilbrigðisráðuneytið, Líf og heilsa

Leiðir að aukinni heilsueflingu aldraðra

Ríki og sveitarfélög þurfa að taka höndum saman til að stuðla að aukinni heilsueflingu aldraðra, hvort sem hún snýr að þjálfun, endurhæfingu eða félags- og tómstundastarfi. Skapa þarf greiða leið á milli þjónustustiga, meðal annars þegar bjóða þarf endurhæfingu, hvort heldur í heimahúsi eða sérhæfðri endurhæfingarinnlögn. Starfshópur sem heilbrigðisráðherra fól að móta tillögur um heilsueflingu aldraðra hefur skilað skýrslu með tillögum sínum.

22. jan. 2021Heilbrigðisráðuneytið, Líf og heilsa

Öruggar og skilvirkar rannsóknir á krabbameinssýnum

Ákvörðun um að semja við erlendan aðila um rannsóknir á krabbameinssýnum vegna leghálsskimana í forvarnarskyni byggist á því að tryggja öryggi og gæði rannsóknanna og jafnframt sem stystan svartíma. Með samningi sem verið er að leggja á lokahönd milli Sjúkratrygginga Íslands og danskrar rannsóknastofu verður svartíminn að hámarki 3 vikur en bið eftir niðurstöðum hefur síðustu ár verið 4 til 6 vikur.

20. jan. 2021Heilbrigðisráðuneytið, Covid-19, Líf og heilsa

COVID-19: Rafræn bólusetningarvottorð frá 21. janúar

Í dag og á morgun fær hópur einstaklinga síðari bólusetningarsprautuna gegn COVID-19 og telst þar með fullbólusettur. Hjá embætti landlæknis er verið að leggja lokahönd á rafræna lausn sem gerir fólki kleift að sækja sér bólusetningarvottorð á vefnum; heilsuvera.is. Stefnt er að því að þetta verður mögulegt frá og með morgundeginum. Vottorðið verður að efni og útliti í samræmi við fyrirliggjandi evrópska staðla og alþjóðlega bólusetningarskírteinið. Markmiðið er að greiða för fólks milli landa, þannig að einstaklingar geti framvísað bóluefnarvottorði á landamærum og séu þá undanþegnir sóttvarnaráðstöfunum vegna COVID-19 í samræmi við reglur hlutaðeigandi lands.