Efnisorð
Tegund

Leita eftir efnisorðum

Sýnir 1101–1150 af 3846
Raða eftir:
11. nóv. 2022Forsætisráðuneytið, Úrskurðarnefnd um upplýsingamál, Úrskurðir

1105/2022. Úrskurður frá 2. nóvember 2022

Deilt var um rétt kæranda til aðgangs að áfangaskýrslu starfshóps um starfsemi og starfshætti Samgöngustofu frá október 2017 í heild sinni. Innviðaráðuneytið afhenti stærstan hluta skýrslunnar á grundvelli 1. mgr. 11. gr. upplýsingalaga, en afmáði aðra hluta með vísan til þess að um vinnugögn væri að ræða samkvæmt 5. tölul. 6. gr., sbr. 8. gr. upplýsingalaga. Úrskurðarnefndin taldi skýrsluna ekki uppfylla skilyrði upplýsingalaga fyrir því að teljast vinnugagn, þar sem hún var afhent Samgöngustofu. Þá taldi nefndin ekki að önnur undanþáguákvæði upplýsingalaga ættu við. Var innviðaráðuneytinu því gert að afhenda skýrsluna án útstrikana.

11. nóv. 2022Forsætisráðuneytið, Úrskurðarnefnd um upplýsingamál, Úrskurðir

1104/2022. Úrskurður frá 2. nóvember 2022

Deilt var um rétt kæranda, fréttamanns, til aðgangs að gögnum í tengslum við fyrirætlanir um toll- og landamæraskoðun á vegum bandarískra stjórnvalda á Keflavíkurflugvelli. Synjun Isavia ohf. byggðist m.a. á 2. tölul. 10. gr. upplýsingalaga en samkvæmt greininni er heimilt að takmarka aðgang almennings að gögnum þegar mikilvægir almannahagsmunir krefjast enda hafi þau að geyma upplýsingar um samskipti við önnur ríki eða fjölþjóðastofnanir. Úrskurðarnefnd um upplýsingamál fór yfir gögnin sem kæranda var synjað um aðgang að og taldi að Isavia hefði verið heimilt að synja kæranda um aðgang að gögnunum. Var synjun félagsins því staðfest.

09. nóv. 2022Mannréttindi og jafnrétti, Jafnrétti, Dómsmálaráðuneytið, Forsætisráðuneytið

Forvarnaraðgerðir meðal barna og ungmenna gegn kynferðislegu og kynbundnu ofbeldi og áreiti komnar vel af stað

Um 65% aðgerða sem tilteknar eru í þingsályktun um forvarnir meðal barna og ungmenna gegn kynferðislegu og kynbundnu ofbeldi og áreitni er annað hvort lokið eða þær komnar vel á veg. Þingsályktunin var samþykkt í júní 2020 og nær aðgerðaáætlun til áranna 2021-2025 en forsætisráðuneytið ber ábyrgð á eftirfylgni aðgerða.

07. nóv. 2022Mannréttindi og jafnrétti, Utanríkismál, Evrópuráðið, Dómsmálaráðuneytið, Forsætisráðuneytið

Heimsókn forsætisráðherra til Strassborgar

Katrín Jakobsdóttir forsætisráðherra flutti í dag aðalræðuna á World Forum on Democracy sem fram fer í Strassborg. Forsætisráðherra er í vinnuheimsókn í borginni og sat m.a. ráðherrafund í morgun þar sem samþykkt var tillaga um að leiðtogafundur Evrópuráðsins verði haldinn í Reykjavík í maí á næsta ári.

07. nóv. 2022Forsætisráðuneytið, Utanríkismál, Utanríkisráðuneytið, Evrópuráðið

Leiðtogafundur Evrópuráðsins haldinn á Íslandi

Fjórði leiðtogafundur í sögu Evrópuráðsins verður haldinn á Íslandi 16.-17.maí 2023. Forsætisráðherra Íslands og utanríkisráðherra Írlands tilkynntu í morgun formlega ákvörðun Evrópuráðsins um að efna til leiðtogafundar undir formennsku Íslands í ráðinu. Forsætisráðherra og utanríkisráðherra Íslands verða gestgjafar fundarins.

01. nóv. 2022Forsætisráðuneytið, Utanríkisráðuneytið, Utanríkismál, Norrænt samstarf, Félags- og húsnæðismálaráðuneytið

Forsætisráðherra kynnti formennsku Íslands í Norrænu ráðherranefndinni 2023

Katrín Jakobsdóttir forsætisráðherra kynnti í dag formennskuáætlun Íslands í Norrænu ráðherranefndinni 2023. Forsætisráðherra gerði þingi Norðurlandaráðs grein fyrir formennskunni á þingi ráðsins sem fer nú fram í Helsinki. Ísland mun taka við formennsku af Noregi 1. janúar nk. og gegna henni út næsta ár.

31. okt. 2022Forsætisráðuneytið, Úrskurðarnefnd um upplýsingamál, Úrskurðir

1102/2022. Úrskurður frá 19. október 2022

Deilt var um rétt kæranda til aðgangs að fundargerðum ráðherranefndar um efnahagsmál og endurskipulagningu fjármálakerfisins, frá þeim fundum þar sem rætt hafi verið um fyrirkomulag við seinna útboð á hlutabréfum ríkisins í Íslandsbanka. Ákvörðun forsætisráðuneytis að synja beiðni kæranda studdist við 1. tölul. 6. gr. upplýsingalaga þar sem fram kemur að réttur almennings til aðgangs að gögnum nái ekki til fundargerða ríkisráðs og ríkisstjórnar, minnisgreina á ráðherrafundum eða gagna sem tekin hafa verið saman fyrir slíka fundi. Úrskurðarnefndin féllst á að gögnin teldust til minnisgreina af ráðherrafundum í skilningi ákvæðisins og staðfesti ákvörðun ráðuneytisins.

31. okt. 2022Forsætisráðuneytið, Úrskurðarnefnd um upplýsingamál, Úrskurðir

1103/2022. Úrskurður frá 19. október 2022

Í málinu var kærð töf ríkisendurskoðanda á afgreiðslu beiðni kæranda um upplýsingar. Í 4. mgr. 15. gr. laga um ríkisendurskoðanda og endurskoðun ríkisreikninga, nr. 46/2016, kæmi fram að ákvarðanir ríkisendurskoðanda um aðgang að gögnum sættu ekki kæru til úrskurðarnefndar um upplýsingamál. Af framangreindu leiddi að töf ríkisendurskoðanda á afgreiðslu beiðni um aðgang að gögnum yrði ekki kærð til úrskurðarnefndar um upplýsingamál. Varð því að vísa kærunni frá úrskurðarnefndinni.

31. okt. 2022Forsætisráðuneytið, Úrskurðarnefnd um upplýsingamál, Úrskurðir

1101/2022. Úrskurður frá 19. október 2022

Landspítali synjaði kæranda um aðgang að rótargreiningu sem spítalinn lét framkvæma vegna fráfalls eiginmanns kæranda, á þeim grundvelli að um vinnugagn væri að ræða. Úrskurðarnefndin rakti skilyrði upplýsingalaga fyrir því að gagn gæti talist vinnugagn og féllst á að skilyrðin væru uppfyllt. Á hinn bóginn taldi nefndin að rótargreiningin kynni að innihalda upplýsingar um atvik máls auk þess sem þar væri lýsing á vinnureglum eða stjórnsýsluframkvæmd á viðkomandi sviði. Nefndin taldi sig hins vegar ekki hafa forsendur til að taka afstöðu til þess fyrst á kærustigi hvaða upplýsingar í skjalinu skyldu afhentar kæranda. Var hin kærða ákvörðun því felld úr gildi og lagt fyrir Landspítala að taka beiðni kæranda til nýrrar meðferðar og afgreiðslu.

31. okt. 2022Forsætisráðuneytið, Úrskurðarnefnd um upplýsingamál, Úrskurðir

1100/2022. Úrskurður frá 19. október 2022

Deilt var um rétt kæranda til aðgangs að upplýsingum um starfsheiti, föst launakjör og fastar greiðslur til starfsmanna Landspítala sem eru félagsmenn Eflingar stéttarfélags. Synjun Landspítala var á því byggð að stéttarfélagsaðild geti ekki talist lögmæt afmörkun fyrirspurnar um störf og launakjör starfsmanna, enda teldist stéttarfélagsaðild til viðkvæmra persónuupplýsinga. Úrskurðarnefndin rakti að upplýsingar um stéttarfélagsaðild teldust vera upplýsingar sem sanngjarnt og eðlilegt væri að færu leynt í skilningi 9. gr. upplýsingalaga. Þótt gögnin innihéldu ekki nöfn starfsmanna taldi nefndin að kæranda yrði engu að síður fært að persónugreina starfsmennina með notkun viðbótarupplýsinga, og þannig öðlast upplýsingar um stéttarfélagsaðild þeirra. Var ákvörðun Landspítala því staðfest.

31. okt. 2022Forsætisráðuneytið, Úrskurðarnefnd um upplýsingamál, Úrskurðir

1099/2022. Úrskurður frá 19. október 2022

Deilt var um rétt kæranda til aðgangs að samningi milli dótturfélags Ríkisútvarpsins og Storytel um heimild til að dreifa hljóðbókum Ríkisútvarpsins á streymisveitu Storytel. Synjun Ríkisútvarpsins byggðist á því að samningurinn varðaði mikilvæga viðskiptahagsmuni Storytel auk þess sem almannahagsmunir krefðust þess að hann færi leynt þar sem Ríkisútvarpið væri að þessu leyti í samkeppni við aðra. Úrskurðarnefndin taldi að um rétt kæranda færi samkvæmt 14. gr. upplýsingalaga, sem varðar upplýsingar um aðila sjálfan. Þá taldi nefndin að viðskiptahagsmunir Storytel og samkeppnislegir hagsmunir Ríkisútvarpsins vægju ekki eins þungt og hagsmunir kæranda af því að fá aðgang að samningnum. Var því lagt fyrir Ríkisútvarpið að afhenda kæranda samninginn.

31. okt. 2022Forsætisráðuneytið, Ræður og greinar

Baráttan sem flytur fjöll - grein Katrínar Jakobsdóttur forsætisráðherra í Morgunblaðinu 24. október 2022

31 október 2022 / Forsætisráðuneytið Baráttan sem flytur fjöll - grein Katrínar Jakobsdóttur forsætisráðherra í Morgunblaðinu 24. október 2022 Kvennafrídagurinn árið 1975 markaði tímamót í jafnréttisbaráttunni hér á landi. Konur voru orðnar langþreyttar á misrétti á öllum sviðum samfélagsins og því hversu hægt málin þokuðust í átt að jafnrétti

31. okt. 2022Forsætisráðuneytið, Ræður og greinar

Baráttan sem flytur fjöll - grein Katrínar Jakobsdóttur forsætisráðherra í Morgunblaðinu 24. október 2022

31 október 2022 / Forsætisráðuneytið Baráttan sem flytur fjöll - grein Katrínar Jakobsdóttur forsætisráðherra í Morgunblaðinu 24. október 2022 Kvennafrídagurinn árið 1975 markaði tímamót í jafnréttisbaráttunni hér á landi. Konur voru orðnar langþreyttar á misrétti á öllum sviðum samfélagsins og því hversu hægt málin þokuðust í átt að jafnrétti

28. okt. 2022Dómsmálaráðuneytið, Mannréttindi og jafnrétti, Jafnrétti, Almannatryggingar og lífeyrir, Forsætisráðuneytið

Ísland fær viðurkenningu fyrir að stuðla að jafnrétti í almannatryggingum

Alþjóðlegu almannatryggingasamtökin (ISSA) hafa veitt ríkisstjórn Íslands viðurkenningu fyrir framúrskarandi árangur í almannatryggingum fyrir að móta almannatryggingakerfi sem stuðlar að og hvetur til aukins jafnréttis. Huld Magnúsdóttir, forstjóri Tryggingastofnunar ríkisins, tók við verðlaununum fyrir Íslands hönd á þingi samtakanna í Marrakesh í Marokkó, í dag.

28. okt. 2022Dómsmálaráðuneytið, Mannréttindi og jafnrétti, Jafnrétti, Almannatryggingar og lífeyrir, Forsætisráðuneytið

Ísland fær viðurkenningu fyrir að stuðla að jafnrétti í almannatryggingum

Alþjóðlegu almannatryggingasamtökin (ISSA) hafa veitt ríkisstjórn Íslands viðurkenningu fyrir framúrskarandi árangur í almannatryggingum fyrir að móta almannatryggingakerfi sem stuðlar að og hvetur til aukins jafnréttis. Huld Magnúsdóttir, forstjóri Tryggingastofnunar ríkisins, tók við verðlaununum fyrir Íslands hönd á þingi samtakanna í Marrakesh í Marokkó, í dag.

28. okt. 2022Forsætisráðuneytið, Atvinnuvegaráðuneytið, Menningar-٫ nýsköpunar- og háskólaráðuneytið, Fjármála- og efnahagsráðuneytið

Ríkisstjórnin styrkir gerð minnisvarða um síldarstúlkur á Siglufirði

Ríkisstjórnin hefur ákveðið að veita 15 milljónir króna af ráðstöfunarfé sínu til að styrkja gerð minnisvarða um þátt síldarstúlkna í íslensku atvinnu- og efnahagslífi á síðustu öld. Ráðgert er að minnisvarðinn verði staðsettur á sérbyggðu plani við Síldarminjasafnið á Siglufirði.

26. okt. 2022Mannréttindi og jafnrétti, Jafnrétti, Dómsmálaráðuneytið, Forsætisráðuneytið

Fullt út úr dyrum á jafnréttisþingi 2022 um stöðu kvenna af erlendum uppruna á íslenskum vinnumarkaði

Katrín Jakobsdóttir forsætisráðherra setti jafnréttisþing 2022 og afhenti félagasamtökunum Hennar rödd, jafnréttisviðurkenningu í Hörpu í dag en tilgangur félagsins er að stuðla að vitundarvakningu og fræðslu um málefni kvenna af erlendum uppruna á Íslandi. Umfjöllunarefni þingsins var staða kvenna af erlendum uppruna á íslenskum vinnumarkaði, aðgengi, möguleikar og hindranir og voru þátttakendur þingsins á fjórða hundrað manns.

21. okt. 2022Forsætisráðuneytið, Dómsmálaráðuneytið

Ríkisstjórnin styrkir Landsbjörg til að efla slysavarnir ferðamanna

Ríkisstjórnin samþykkti á fundi sínum í morgun að veita Slysavarnarfélaginu Landsbjörgu fimm milljónir króna af ráðstöfunarfé sínu vegna endurgerðar á vefnum safetravel.is. Landsbjörg hefur rekið vefinn um árabil en hann er helsti upplýsingavefur almannavarna til að koma mikilvægum skilaboðum til ferðamanna, t.d. vegna óveðurs, ófærðar eða náttúruhamfara.

19. okt. 2022Forsætisráðuneytið

Forsætisráðherra tók á móti forseta Finnlands í Ráðherrabústaðnum við Tjarnargötu

Katrín Jakobsdóttir forsætisráðherra tók á móti forseta Finnlands, Sauli Niinistö, og Jenni Haukio forsetafrú í Ráðherrabústaðnum við Tjarnargötu í hádeginu í dag. Forsætisráðherra og forseti Finnlands ræddu meðal annars gott samband Íslands og Finnlands, norrænt samstarf almennt og stöðuna í Evrópu vegna innrásar Rússa í Úkraínu. Finnsku forsetahjónin eru hér á landi í opinberri heimsókn sem hófst í morgun og halda þau af landi brott á föstudaginn 21. október.

13. okt. 2022Forsætisráðuneytið, Úrskurðarnefnd um upplýsingamál, Úrskurðir

1098/2022. Úrskurður frá 5. október 2022

Kærðar voru tafir Tryggingastofnunar á beiðni kæranda um upplýsingar. Af hálfu Tryggingastofnunar kom fram að erindi kæranda hefði ekki borist stofnuninni og hefði því litið á erindi úrskurðarnefndarinnar sem framsendingu á erindi kæranda sem stofnunin svaraði í kjölfarið. Var því ekki um að ræða synjun á aðgangi að gögnum sem kæranleg væri til nefndarinnar á grundvelli 1. mgr. 20. gr. upplýsingalaga og kærunni vísað frá.

13. okt. 2022Forsætisráðuneytið, Úrskurðarnefnd um upplýsingamál, Úrskurðir

1097/2022. Úrskurður frá 5. október 2022

Kærð var afgreiðsla Borgarbyggðar á beiðni kæranda um afrit úr dagbók eða málaskrá slökkviliðsins á tilteknu tímabili. Af hálfu sveitarfélagsins kom fram að ekki væri til nein skrá yfir inn- og útsend erindi hjá slökkviliðinu og að engin gögn um það mál sem kærandi vísaði til lægju fyrir hjá slökkviliðinu. Úrskurðarnefndin hafði ekki forsendur til að draga þær staðhæfingar Borgarbyggðar í efa. Að mati nefndarinnar var þannig ekki um að ræða synjun um aðgang að fyrirliggjandi gögnum, sbr. 1. mgr. 20. gr. upplýsingalaga, og kærunni því vísað frá.

13. okt. 2022Forsætisráðuneytið, Úrskurðarnefnd um upplýsingamál, Úrskurðir

1096/2022. Úrskurður frá 5. október 2022

Reykjavíkurborg afhenti kæranda gögn um samskipti Reykjavíkurborgar við lóðarhafa á Einimel í tengslum við deiliskipulagstillögu en afmáð öll nöfn einstaklinga og eftir atvikum netföng þeirra og símanúmer úr gögnunum. Að því er varðaði útstrikanir á nöfnum starfsmanna Reykjavíkurborgar féllst úrskurðarnefndin ekki á að slíkar upplýsingar teldust til einkamálefna einstaklinga í skilningi 9. gr. upplýsingalaga. Var ákvörðunin því felld úr gildi og Reykjavíkurborg gert að afhenda kæranda gögnin án útstrikana á nöfnum einstaklinga en skylt að strika yfir upplýsingar um einkanetföng og -símanúmer, enda lægi ekki fyrir að þær hafi verið birtar með lögmætum hætti.

13. okt. 2022Forsætisráðuneytið, Úrskurðarnefnd um upplýsingamál, Úrskurðir

1095/2022. Úrskurður frá 5. október 2022

Deilt var um afgreiðslu Matvælastofnunar á beiðni kæranda um upplýsingar. Matvælastofnun vísaði frá erindi kæranda þar sem það lyti ekki að afhendingu gagna og uppfyllti þar af leiðandi ekki skilyrði upplýsingalaga. Úrskurðarnefndin taldi hluta beiðninnar ekki hafa hlotið þá efnislegu meðferð á lægra stjórnsýslustigi sem nefndinni væri fært að endurskoða og lagði fyrir Matvælastofnun að taka málið til nýrrar meðferðar. Að öðru leyti var kærunni vísað frá þar sem beiðni kæranda lyti ekki að afhendingu gagna.

13. okt. 2022Mannréttindi og jafnrétti, Mannréttindi, Dómsmálaráðuneytið, Forsætisráðuneytið

Samráðsfundur um aðgerðir gegn hatursorðræðu

Katrín Jakobsdóttir forsætisráðherra býður til samráðsfundar um aðgerðir gegn hatursorðræðu í Björtuloftum í Hörpu þriðjudaginn 25. október nk. kl. 16:00-17:30 vegna vinnu starfshóps gegn hatursorðræðu. Um þessar mundir skoðar starfshópurinn hvort stjórnvöld skuli setja heildstæða áætlun um samhæfðar aðgerðir gegn hatursorðræðu en hópurinn leggur áherslu á víðtækt samráð í vinnu sinni.

11. okt. 2022Forsætisráðuneytið, Ræður og greinar

Menntun eykur velsæld - grein Katrínar Jakobsdóttur forsætisráðherra í Fréttablaðinu 7. október 2022

11 október 2022 / Forsætisráðuneytið Menntun eykur velsæld - grein Katrínar Jakobsdóttur forsætisráðherra í Fréttablaðinu 7. október 2022 Leiðtogafundur Sameinuðu þjóðanna um menntun fór fram í tengslum við opnun Allsherjarþingsins nú á dögunum. Menntamálin eru í brennidepli – ekki síst vegna þess að menntun getur verið lykill að árangri á svo fjöldamörgum sviðum

11. okt. 2022Forsætisráðuneytið, Ræður og greinar

Menntun eykur velsæld - grein Katrínar Jakobsdóttur forsætisráðherra í Fréttablaðinu 7. október 2022

11 október 2022 / Forsætisráðuneytið Menntun eykur velsæld - grein Katrínar Jakobsdóttur forsætisráðherra í Fréttablaðinu 7. október 2022 Leiðtogafundur Sameinuðu þjóðanna um menntun fór fram í tengslum við opnun Allsherjarþingsins nú á dögunum. Menntamálin eru í brennidepli – ekki síst vegna þess að menntun getur verið lykill að árangri á svo fjöldamörgum sviðum

06. okt. 2022Forsætisráðuneytið

Leiðtogar Evrópuríkja hittust í Prag

Katrín Jakobsdóttir forsætisráðherra sótti í dag fund í hinu pólitíska bandalagi Evrópuríkja (e. European Political Community, EPC) en fyrsti fundur þess fór fram í Prag í Tékklandi í dag. Um er að ræða nýjan samstarfsvettvang 44 ríkja en tilgangur hans er að leiða saman ríki Evrópu óháð því hvort þau eru innan eða utan Evrópusambandins, eða hvar þau staðsetja sig í stofnunum Evrópu.

04. okt. 2022Forsætisráðuneytið

Ísland meðal efstu þjóða samkvæmt vísitölu félagslegra framfara

Samtökin Social Progress Imperative birtu þann 26. september sl. vísitölu félagslegra framfara (Social Progress Index) fyrir árið 2022. Ísland mælist í 5. sæti með 89,54 stig af 100 mögulegum og raðast ásamt hinum Norðurlöndunum í efstu sæti lista 169 landa. Staða Íslands á listanum helst nokkuð stöðug frá fyrra ári en vísitalan samanstendur einungis af félagslegum og umhverfislegum þáttum sem taldir eru mikilvægir fyrir framþróun og velgengni þjóða og er þannig hugsuð sem mótvægi við hagræna mælikvarða eins og verga landsframleiðslu.

02. okt. 2022Forsætisráðuneytið

Samantekt á flutningi embættismanna á tímabilinu 2009 – 2022

Forsætisráðuneytið hefur tekið saman yfirlit yfir flutning embættismanna milli embætta á tímabilinu 2009 til 2022. Helstu niðurstöður samantektarinnar eru þær að í um 80% tilfella hafi verið skipað í embætti í kjölfar auglýsingar á umræddu tímabili. Ef flutningar embættismanna sem gerðir voru í tengslum við breytingar á skipulagi stofnana eða ráðuneyta eru ekki taldir með, fer hlutfall skipana í kjölfar auglýsingar upp í rúm 90%.

27. sep. 2022Menningar-٫ nýsköpunar- og háskólaráðuneytið, Forsætisráðuneytið

Styrkur veittur vegna norrænnar ráðstefnu um skýra upplýsingamiðlun stjórnvalda á viðsjárverðum tímum

Ríkisstjórnin samþykkti á fundi sínum í dag að veita 1.500.000 kr. af ráðstöfunarfé sínu til að styðja við framkvæmd ráðstefnu þar sem fjallað verður um samskipti stjórnvalda, stofnana og fyrirtækja við almenning þegar vá, t.a.m. heimsfaraldur eða náttúruhamfarir, steðjar að. Ráðstefnan fer fram rafrænt 11.-12. maí 2023.