Efnisorð
Tegund

Leita eftir efnisorðum

Sýnir 801–850 af 3211
Raða eftir:
28. apr. 2025Utanríkisráðuneytið, Alþjóðamál, Þróunarsamvinna, Utanríkismál, Sendiráð Íslands í Lilongwe, Sendiskrifstofa

Valdefling stúlkna og ungra kvenna í Malaví

Íslensk stjórnvöld hafa gert samstarfssamning við félagasamtökin Go Fund a Girl Child um valdeflingu stúlkna og ungra kvenna í viðkvæmri stöðu í Mangochi, samstarfshéraði Íslands í Malaví. Verkefnið ber heitið Empower to Transform og er markmið þess að skapa umhverfi sem styður við stúlkur og ungar konur í dreifbýli og valdefla svo þær geti orðið virkar í samfélaginu.

23. apr. 2025Utanríkisráðuneytið, Alþjóðamál, Átök fyrir botni Miðjarðarhafs, Þróunarsamvinna, Úkraína, Utanríkisviðskipti, Utanríkismál

Þorri Íslendinga telur hagsæld landsins byggja á alþjóðaviðskiptum

Yfirgnæfandi meirihluti Íslendinga, eða 80 prósent, telur hagsæld Íslands byggja á alþjóðlegum viðskiptum. Þá segja 81 prósent skipta miklu máli að Ísland hafi gott orðspor í alþjóðasamfélaginu og 70 prósent segja að þátttaka Íslands í alþjóðasamvinnu styrki fullveldi landsins. Íslendingar eru sem fyrr afar jákvæðir gagnvart norrænu samstarfi en alls segjast 87 prósent landsmanna jákvæðir gagnvart því að Ísland taki virkan þátt í því.

11. apr. 2025Utanríkismál, Öryggis- og varnarmál, Úkraína, Utanríkisráðuneytið

Málefni Úkraínu í brennidepli í ferð ráðherra til Brussel

Möguleg fjölþjóðleg stuðningsaðgerð til handa Úkraínu, áframhaldandi varnartengdur stuðningur við varnarbaráttu landsins og samstarf innan sameiginlegu viðbragðssveitarinnar JEF voru til umræðu á fundum varnarmálaráðherra sem fram fóru í Brussel í dag og í gær. Þorgerður Katrín Gunnarsdóttir utanríkisráðherra tók þátt í fundunum.

11. apr. 2025Utanríkisráðuneytið, Sendiráð Íslands í Osló, Sendiskrifstofa

Ríkisheimsókn forseta Íslands til Noregs

Dagana 8.-10.apríl fór fram þriggja daga ríkisheimsókn forseta Íslands til Noregs. Gestgjafar forsetahjóna í Noregi voru Haraldur V. konungur og Sonja drottning ásamt Hákoni krónprins og Mette-Marit krónprinsessu. Að auki tók elsta dóttir þeirra, Ingrid Alexandra prinsessa, þátt í sinni fyrstu ríkisheimsókn. Því voru þrjár kynslóðir norsku konungsfjölskyldunnar viðstaddar móttökuathöfn forsetahjóna við Óslóarhöll. Þar voru þjóðsöngvar beggja landa leiknir og forseti gekk og kannaði heiðursvörð. Þá gáfu bæði forsetahjón og krónprinshjónin sér góða stund til að ræða við Íslendinga búsetta í Noregi og Norðmenn sem safnast höfðu saman við höllina af þessu tilefni.

09. apr. 2025Utanríkismál, Átök fyrir botni Miðjarðarhafs, Norðurslóðir, Norrænt samstarf, Öryggis- og varnarmál, Úkraína, Utanríkisráðuneytið

Utanríkisráðherra fundaði með starfsbræðrum sínum í Noregi

Sameiginlegar áskoranir, öryggismál á norðurslóðum og aukið samstarf á sviði öryggis- og varnarmála var ofarlega á baugi á tvíhliða fundum Þorgerðar Katrínar Gunnarsdóttur utanríkisráðherra með Tore O. Sandvik varnarmálaráðherra Noregs og Espen Barth Eide utanríkisráðherra, sem fram fóru í Ósló í tengslum við opinbera heimsókn forseta Íslands til Noregs. Ráðherrarnir áréttuðu áframhaldandi og óbilandi stuðning ríkjanna við varnarbaráttu Úkraínu gegn ólöglegu og blóðugu innrásarstríði Rússlands. Þá voru hörmungarnar fyrir botni Miðjarðarhafs sömuleiðis til umræðu og ítrekuðu ráðherrarnir mikilvægi mannúðaraðstoðar og virðingu fyrir alþjóðalögum.

07. apr. 2025Félags- og húsnæðismálaráðuneytið, Forsætisráðuneytið, Utanríkisráðuneytið, Mannréttindi og jafnrétti, Dómsmálaráðuneytið, Jafnrétti

Utanríkisráðherra kynnir fjórðu landsáætlun Íslands um konur, frið og öryggi

Utanríkisráðherra hefur nú lagt fram fjórðu landsáætlun Íslands um konur, frið og öryggi sem markar stefnu stjórnvalda um framkvæmd samnefndrar ályktunar öryggisráðs Sameinuðu þjóðanna númer 1325 og síðari ályktana ráðsins þar að lútandi.

04. apr. 2025Annað, Brussel-vaktin, Utanríkisráðuneytið

Viðbrögð við gagnkvæmistollum Bandaríkjanna og viðbúnaðar- og öryggisstefna ESB

Að þessu sinni er fjallað um viðbrögð ESB við gagnkvæmistollum af hálfu Bandaríkjanna, viðbúnaðarstefnu ESB, öryggisstefnu ESB, afgreiðslu Evrópuþingsins á samningum um framlag í Uppbyggingarsjóð EES og um tollkvóta fyrir sjávarafurðir, sáttmála um aukið samráð við aðila vinnumarkaðarins, óformlegan fund heilbrigðisráðherra, vinnuferð ráðuneytisstjóra til Brussel og könnun Eurobarometer: Ánægja með ESB aldrei mælst meiri.

04. apr. 2025Annað, Brussel-vaktin, Utanríkisráðuneytið

Viðbrögð við gagnkvæmistollum Bandaríkjanna og viðbúnaðar- og öryggisstefna ESB

Að þessu sinni er fjallað um viðbrögð ESB við gagnkvæmistollum af hálfu Bandaríkjanna, viðbúnaðarstefnu ESB, öryggisstefnu ESB, afgreiðslu Evrópuþingsins á samningum um framlag í Uppbyggingarsjóð EES og um tollkvóta fyrir sjávarafurðir, sáttmála um aukið samráð við aðila vinnumarkaðarins, óformlegan fund heilbrigðisráðherra, vinnuferð ráðuneytisstjóra til Brussel og könnun Eurobarometer: Ánægja með ESB aldrei mælst meiri.

04. apr. 2025Utanríkismál, Öryggis- og varnarmál, Úkraína, Utanríkisráðuneytið

Samstaða á fundi utanríkisráðherra Atlantshafsbandalagsins

Aukin framlög til varnarmála, innrásarstríðið í Úkraínu og samstarf við Indó-Kyrrahafsríkin og Evrópusambandið voru meðal helstu umræðuefna á utanríkisráðherrafundi Atlantshafsbandalagsins sem lauk í höfuðstöðvum þess í Brussel í dag. Þorgerður Katrín Gunnarsdóttir utanríkisráðherra sótti fundinn sem var fyrsti fundur utanríkisráðherra Bandaríkjanna, Marco Rubio, með utanríkisráðherrum bandalagsins.

04. apr. 2025Utanríkisráðuneytið, Mannréttindaráð SÞ

Ferðaleiðbeiningar utanríkisráðuneytisins fyrir hinsegin fólk

Utanríkisráðuneytið hefur gefið út ferðaleiðbeiningar fyrir hinsegin fólk. Viðhorf gagnvart hinsegin fólki eru á mörgum stöðum í heiminum frábrugðin því sem við eigum að venjast á Íslandi. Réttindi hinsegin fólks eru víða ekki virt og samkynja sambönd og/eða samlífi brot samkvæmt lögum í um það bil einu af hverjum þremur ríkjum heims. Þá ber að athuga að þó svo að lög í viðkomandi ríki mismuni ekki hinsegin fólki með lögum þá er ekki gefið að réttindi hinsegin fólks séu tryggð eða að viðhorf í þeirra garð sé jákvætt.

28. mar. 2025Utanríkisráðuneytið

Utanríkisráðherra fundaði með stjórnvöldum á Spáni

Traust og umfangsmikið samstarf Íslands og Spánar á undanförnum árum, fyrirhuguð opnun sendiráðs Íslands í Madríd, og mikilvægi þess að hugsanlegar verndarráðstafanir ESB í tollamálum nái ekki til Íslands á grundvelli EES-samningsins og náins samstarfs við ESB voru meðal þess sem Þorgerður Katrín Gunnarsdóttir utanríkisráðherra og José Manuel Albares utanríkisráðherra Spánar ræddu á fundi sínum í spænsku höfuðborginni í dag.

26. mar. 2025Utanríkisráðuneytið, Alþjóðamál, Þróunarsamvinna, Utanríkismál

SOS Barnaþorp styðja börn og ungmenni í viðkvæmri stöðu í Malaví

Verkefni SOS Barnaþorpa í Ngabu í Chikawawa héraði í suðurhluta Malaví hefur skilað góðum árangri samkvæmt nýlegri óháðri úttekt sem alþjóðlega ráðgjafafyrirtækið VIG framkvæmdi fyrir utanríkisráðuneytið. Úttektin sýnir ennfremur fram á að heimili í viðkvæmri stöðu hafa orðið sjálfbjarga í meira mæli en væntingar stóðu til um. SOS Barnaþorp hafa um árabil verið einn af lykilsamstarfsaðilum ráðuneytisins úr röðum frjálsra félagasamtaka í þróunarsamvinnu.

21. mar. 2025Annað, Brussel-vaktin, Utanríkisráðuneytið

Hvítbók um varnarmál og sparnaðar- og fjárfestingasamband ESB

Að þessu sinni er fjallað um hvítbók um varnarmál og endurvopnunaráætlun, fund leiðtogaráðs ESB, sparnaðar- og fjárfestingasamband ESB, aðgerðaáætlun um samkeppnishæfni og afkolun í stál- og málmiðnaði, uppgjörstíma í verðbréfaviðskiptum, sameiginlegt evrópskt endursendingarkerfi, tillögu að löggjöf um mikilvæg lyf, hreinatvinnustefnu og ríkisaðstoð – opið samráð, nýjan vegvísi um jafnrétti kynjanna, öryggi sæstrengja, óformlegan fund samgönguráðherra og óformlegan fund vísinda- og nýsköpunarráðherra.

21. mar. 2025Annað, Brussel-vaktin, Utanríkisráðuneytið

Hvítbók um varnarmál og sparnaðar- og fjárfestingasamband ESB

Að þessu sinni er fjallað um hvítbók um varnarmál og endurvopnunaráætlun, fund leiðtogaráðs ESB, sparnaðar- og fjárfestingasamband ESB, aðgerðaáætlun um samkeppnishæfni og afkolun í stál- og málmiðnaði, uppgjörstíma í verðbréfaviðskiptum, sameiginlegt evrópskt endursendingarkerfi, tillögu að löggjöf um mikilvæg lyf, hreinatvinnustefnu og ríkisaðstoð – opið samráð, nýjan vegvísi um jafnrétti kynjanna, öryggi sæstrengja, óformlegan fund samgönguráðherra og óformlegan fund vísinda- og nýsköpunarráðherra.

20. mar. 2025Utanríkisráðuneytið, Utanríkisviðskipti, Utanríkismál

Tugmilljarða ávinningur atvinnulífs og neytenda af EES-samningnum og fríverslunarsamningum Íslands vegna niðurfellingu tolla

Íslenskir útflytjendur nutu minnst 33 milljarða króna ávinnings af tollfríðindum á síðasta ári á grundvelli EES-samningsins og annarra fríverslunarsamninga sem gerðir hafa verið á grundvelli aðildar Íslands að Fríverslunarsamtökum Evrópu (EFTA). Ný úttekt utanríkisráðuneytisins, Skattsins og EFTA skrifstofunnar leiðir þetta í ljós.

17. mar. 2025Utanríkisráðuneytið, Alþjóðamál, Utanríkismál

Farsæl niðurstaða landgrunnsnefndar Sameinuðu þjóðanna um landgrunn Íslands á Reykjaneshrygg

Niðurstöður landgrunnsnefndar Sameinuðu þjóðanna vegna endurskoðaðrar greinargerðar Íslands um landgrunn á Reykjaneshrygg bárust íslenskum stjórnvöldum síðastliðinn föstudag. Landgrunnssvæðið sem samþykkt var af nefndinni er töluvert víðfeðmt og nær rúmar 570 sjómílur frá grunnlínum. Niðurstaða landgrunnsnefndarinnar er því Íslandi mjög hagfelld og um að ræða farsæla niðurstöðu í mikilvægu ferli sem staðið hefur yfir í tvo og hálfan áratug.

14. mar. 2025Utanríkismál, Utanríkisráðuneytið

Utanríkisráðherra heimsækir Vestfirði

Þorgerður Katrín Gunnarsdóttir utanríkisráðherra mun dagana 17. til 19. mars sækja Vestfirði heim þar sem hún hyggst efna til samtals við íbúa um utanríkisþjónustuna og hvernig hún þjónar hagsmunum Íslands, bæði heima og erlendis. Komið verður upp tímabundnum starfsstöðvum utanríkisráðherra á Ísafirði og Patreksfirði þar sem íbúar geta sótt opna viðtalstíma og þá verður haldinn opinn fundur á Ísafirði. Þá hyggst ráðherra einnig heimsækja fyrirtæki og kynna sér starfsemi í byggðum Vestfjarða.

13. mar. 2025Utanríkismál, Öryggis- og varnarmál, Úkraína, Utanríkisráðuneytið

Utanríkisráðherra Tékklands í heimsókn á Íslandi

Málefni Úkraínu, staða öryggis- og varnarmála í Evrópu, náið vinsamband Íslands og Tékklands og fyrirhuguð loftrýmisgæsla tékkneska flughersins á Íslandi, var efst á baugi fundar Þorgerðar Katrínar Gunnarsdóttur utanríkisráðherar og Jan Lipavský utanríkisráðherra Tékklands sem fram fór í húsakynnum utanríkisráðuneytisins við Austurhöfn í Reykjavík í dag.

11. mar. 2025Utanríkisráðuneytið, Utanríkismál, Öryggis- og varnarmál, Dómsmálaráðuneytið

Utanríkisráðherra boðar stefnumótun og aðgerðir í varnarmálum

Utanríkisráðherra kynnti í ríkisstjórn í dag tillögu að mótun stefnu í öryggis- og varnarmálum Íslands. Í stefnuyfirlýsingu ríkisstjórnarinnar frá 21. desember 2024 kemur fram að mótuð verði öryggis- og varnarmálastefna. Stefnunni er ætlað að lýsa helstu öryggisáskorunum til lengri og skemmri tíma með áherslu á ytri ógnir og draga fram markmið Íslands í alþjóðlegu öryggis- og varnarsamstarfi, fjalla um nauðsynlegan varnarviðbúnað, og skipulag og getu sem þurfi að vera til staðar á Íslandi, auk þess að benda á hugsanlegar umbætur á laga- og stofnanaumgjörð varnarmála.

07. mar. 2025Annað, Brussel-vaktin, Utanríkisráðuneytið

Leiðtogaráð ESB fellst á tillögur framkvæmdastjórnar ESB um endurvopnun Evrópu

Að þessu sinni er fjallað um endurvopnun Evrópu og sérstakan fund leiðtogaráðs ESB, hreinatvinnustefnu ESB, aðgerðaráætlun um bætt aðgengi að orku á viðráðanlegu verði, fyrstu skref nýrrar framkvæmdastjórnar í átt að einföldun regluverks, stefnumótun um aukna færni vinnuafls, nýja framtíðarsýn í landbúnaði, markmið um minni matarsóun og bætta meðhöndlun textílúrgangs, umsögn EES/EFTA-ríkjanna um fyrirhugaðar breytingar á reglugerð um eftirlit með erlendum fjárfestingum, fund innanríkisráðherra ESB á vettvangi Schengen-ráðsins og alþjóðlegan baráttudag kvenna.

07. mar. 2025Utanríkismál, Alþjóðamál, Jafnrétti, Mannréttindi, Sendiráð Íslands í París, Utanríkisráðuneytið

Utanríkisráðherra ávarpaði ráðstefnu UNESCO um stöðu kvenna og stúlkna í Afganistan

Bágborin staða kvenna og stúlkna í Afganistan var til umræðu á ráðstefnu sem haldin var að frumkvæði Íslands hjá Mennta-, menningar- og vísindastofnun Sameinuðu þjóðanna (UNESCO) í París í dag í tengslum við alþjóðlegan baráttudag kvenna, 8. mars. Myndbandsávarp Þorgerðar Katrínar Gunnarsdóttur utanríkisráðherra var flutt í upphafi ráðstefnunnar en þar lagði ráðherra áherslu á að alþjóðasamfélagið mætti ekki gleyma mannréttindum afganskra kvenna og stúlkna.

07. mar. 2025Utanríkismál, Alþjóðamál, Þróunarsamvinna, Utanríkisráðuneytið

Hnattrænar áskoranir og málefni Úkraínu rædd á fundi með forseta Alþjóðabankans

Hlutverk Alþjóðabankans á tímum örra breytinga, skertrar fjármögnunar til þróunarsamvinnu og erfiðrar skuldastöðu fjölmargra þróunarríkja var meðal þess sem rætt var á fundi fulltrúa kjördæmis Norðurlandanna og Eystrasaltsríkjanna (NB8) í Alþjóðabankanum með Ajay Banga, forseta bankans, í Stokkhólmi í dag. Vandinn sem fátækustu ríkin standa frammi fyrir er gríðarlegur og fer vaxandi á sama tíma og dregið hefur úr stuðningi við þau.

28. feb. 2025Utanríkisráðuneytið, Alþjóðamál, Átök fyrir botni Miðjarðarhafs, Utanríkismál

Ísland beitir rödd sinni í þágu mannúðar og alþjóðalaga fyrir Alþjóðadómstólnum í Haag

Íslensk stjórnvöld undirstrika ófrávíkjanlegar skyldur Ísraels sem hernámsaðila að mannúðarrétti í greinargerð sem skilað var í dag til Alþjóðadómstólsins í Haag í ráðgefandi álitsmáli sem dómstóllinn hefur til umfjöllunar. Þá árétta stjórnvöld sömuleiðis ábyrgð Ísraels á að tryggja að þær stofnanir sem Sameinuðu þjóðirnar hafa falið sérstök hlutverk gagnvart íbúum á hernumdum svæðum Palestínu geti sinnt hlutverki sínu, þar á meðal Palestínuflóttamannaaðstoð Sameinuðu þjóðanna (UNRWA).

28. feb. 2025Utanríkisráðuneytið, Alþjóðamál, Átök fyrir botni Miðjarðarhafs, Utanríkismál

Ísland beitir rödd sinni í þágu mannúðar og alþjóðalaga fyrir Alþjóðadómstólnum í Haag

Íslensk stjórnvöld undirstrika ófrávíkjanlegar skyldur Ísraels sem hernámsaðila að mannúðarrétti í greinargerð sem skilað var í dag til Alþjóðadómstólsins í Haag í ráðgefandi álitsmáli sem dómstóllinn hefur til umfjöllunar. Þá árétta stjórnvöld sömuleiðis ábyrgð Ísraels á að tryggja að þær stofnanir sem Sameinuðu þjóðirnar hafa falið sérstök hlutverk gagnvart íbúum á hernumdum svæðum Palestínu geti sinnt hlutverki sínu, þar á meðal Palestínuflóttamannaaðstoð Sameinuðu þjóðanna (UNRWA).

28. feb. 2025Fjarskipti, Öryggis- og varnarmál, Utanríkisráðuneytið

Netöryggissveitin CERT-IS flytur í utanríkisráðuneytið

Utanríkisráðuneytið og Fjarskiptastofa undirrituðu í dag samkomulag um flutning á starfsemi netöryggissveitarinnar CERT-IS í starfstöð ráðuneytisins. Á næstu vikum flyst því starfsemi netöryggissveitarinnar frá starfstöð Fjarskiptastofu við Suðurlandsbraut og í húsnæði utanríkisráðuneytisins við Austurhöfn í Reykjavík. Með flutningnum er netöryggissveitinni tryggð fyrsta flokks starfsaðstaða sem og öflugra samstarf við varnarmálaskrifstofu utanríkisráðuneytisins.

27. feb. 2025Utanríkismál, Öryggis- og varnarmál, Utanríkisráðuneytið

Brýnt að efla eigin getu og varnarsamvinnu

Mikilvægi þess að Ísland efli enn frekar samstarf sitt við bandalagsríki og styrki eigin getu til að tryggja stöðuvitund, öryggi, varnir og áfallaþol voru leiðarstef opnunarávarps Þorgerðar Katrínar Gunnarsdóttur utanríkisráðherra á málþingi um öryggismál á viðsjárverðum tímum sem haldið var í Norræna húsinu í gær. Að málþinginu stóð Varðberg - samtök um vestræna samvinnu og alþjóðamál í samstarfi við utanríkisráðuneytið.

25. feb. 2025Utanríkismál, Öryggis- og varnarmál, Utanríkisráðuneytið

Bandarískur kafbátur í þjónustuheimsókn á Íslandi

Kjarnorkuknúinn bandarískur kafbátur, USS Delaware, verður í stuttri þjónustuheimsókn í íslensku landhelginni í dag. Varðskipið Freyja fylgir kafbátnum um landhelgina og í utanverðan Eyjafjörð, þar sem fram fara áhafnaskipti og önnur þjónusta við kafbátinn. USS Delaware er orrustukafbátur af Virginia-gerð og slíkir kafbátar bera ekki kjarnavopn.