Efnisorð
Tegund

Leita eftir efnisorðum

Sýnir 601–650 af 1385
Raða eftir:
07. jún. 2022Menningar-٫ nýsköpunar- og háskólaráðuneytið, Umhverfi og náttúruvernd, Vísindi nýsköpun og rannsóknir, Loftslagsmál, Nýsköpun, Orka, Auðlindir

Virkja þarf hugvit, þekkingu og nýsköpun til að ná markmiðum um kolefnishlutleysi

Þrátt fyrir að hafa verið frumkvöðlar í nýtingu umhverfisvænna orkugjafa, svo sem vatnsorku og jarðhita, og í dag leiðtogar á heimsvísu þegar kemur að endurnýjanlegri orkuframleiðslu og sérþekkingu á því sviði, þarf íslenska þjóðin að taka höndum saman til að ná settum markmiðum.

27. maí 2022Menningar-٫ nýsköpunar- og háskólaráðuneytið, Umhverfi og náttúruvernd, Vísindi nýsköpun og rannsóknir, Loftslagsmál, Nýsköpun, Húsnæðis- og mannvirkjamál, Félags- og húsnæðismálaráðuneytið, Innviðaráðuneytið

Hugvitið nýtt til að draga úr kolefnislosun byggingariðnaðar

Askur - mannvirkjarannsóknarsjóður veitir styrki til mannvirkjarannsókna með áherslu á aukna þekkingu, umbætur og nýsköpun til að mæta samfélagslegum áskorunum mannvirkjagerðar. Á Nýsköpunarvikunni sem fór fram nýlega kynntur nokkrir styrkhafar Asksins nýsköpunarverkefni sín. Slík verkefni eru í lykilhlutverki þegar kemur að vistvænni mannvirkjagerð, auknum gæðum bygginga og heilnæmi.

11. maí 2022Umhverfis-٫ orku- og loftslagsráðuneytið, Alþjóðamál, Umhverfi og náttúruvernd

Akureyri styrkt sem höfuðstaður norðurslóða

Guðlaugur Þór Þórðarson, umhverfis-, orku- og loftslagsráðherra hefur ákveðið að hækka árleg fjárframlög ráðuneytisins til CAFF og PAME um 50%. Um er að ræða skrifstofur Norðurskautsráðsins sem hafa aðsetur á Akureyri. Ákvörðun ráðherra mun styrkja Akureyri sem höfuðstað norðurslóða og stuðla að því að Ísland verði áfram leiðandi afl í Norðurskautsráðinu.

04. maí 2022Umhverfis-٫ orku- og loftslagsráðuneytið, Náttúruvernd, Umhverfi og náttúruvernd

Ráðherra undirritar samstarfstarfsyfirlýsingu við útivistarsamtök

Umhverfis-, orku- og loftslagsráðuneytið og útivistarsamtök hafa gert með sér endurnýjað samstarf um halda úti samstarfsvettvangi í því skyni að efla lýðræðislega umræðu um náttúru- og umhverfisvernd. Samstarfsyfirlýsing ráðuneytisins og frjálsra félagasamtaka var upphaflega gerð árið 2001 og undirritaði Guðlaugur Þór Þórðarson, umhverfis-, orku- og loftslagsráðherra, uppfærða yfirlýsingu fyrir hönd ráðuneytisins.

03. maí 2022Umhverfis-٫ orku- og loftslagsráðuneytið, Loftslagsmál, Norrænt samstarf, Umhverfi og náttúruvernd

Norrænar lausnir mikilvægar fyrir þróun loftslagsmála

Umhverfis- og loftslagsráðherrar Norðurlanda samþykktu á fundi sínum í Osló í dag tillögu Guðlaugs Þórs Þórðarsonar um að búa til markvissan farveg fyrir að deila sín á milli reynslu og þekkingu á sviði umhverfismála. Ráðherrarnir ræddu einnig sameiginlegar áherslur í loftslagsmálum, alþjóðlegar samningaviðræður um líffræðilega fjölbreytni, orkuskipti í siglingum og væntanlegar viðræður vegna nýs alþjóðlegs samnings um plastmengun.

29. apr. 2022Umhverfis-٫ orku- og loftslagsráðuneytið, Náttúruvernd, Umhverfi og náttúruvernd

Formlegt aðsetur Vatnajökulsþjóðgarðs flutt til Hafnar í Hornafirði

Formlegt aðsetur og lögheimili Vatnajökulsþjóðgarðs verður flutt til Hafnar í Hornafirði næsta haust. Frá þessu greindi Guðlaugur Þór Þórðarson, umhverfis-, orku- og loftslagsráðherra á ríkisstjórnarfundi í morgun. Ákvörðun um flutning aðseturs á landsbyggðina var tekin var í samráði við stjórn þjóðgarðsins og verður kynnt á næstunni á Alþingi.

11. apr. 2022Umhverfis-٫ orku- og loftslagsráðuneytið, Loftslagsmál, Orka, Umhverfi og náttúruvernd

Yfir hundrað milljónir í styrki til fjölbreyttra umhverfisverkefna

Umhverfis-, orku- og loftslagsráðuneytið hefur úthlutað um 111 milljónum króna til umhverfisverkefna og reksturs félagasamtaka, sem starfa að umhverfismálum, á grundvelli umsókna. Ráðuneytið hefur veitt frjálsum félagasamtökum sem starfa að umhverfismálum rekstrarstyrki ásamt verkefna- og ferðastyrkjum frá árinu 2000, en til stendur að endurskoða úthlutunarreglur vegna styrkjanna.

09. apr. 2022Umhverfis-٫ orku- og loftslagsráðuneytið, Umhverfi og náttúruvernd, Orka, Auðlindir

Skýrsla starfshóps um orkumál á Vestfjörðum

Umhverfis-, orku- og loftslagsráðuneytið hefur birt skýrslu starfshóps um stöðu orkumála á Vestfjörðum. Skýrslan hefur verið kynnt fyrir Guðlaugi Þór Þórðarsyni, umhverfis-, orku- og loftslagsráðherra og á málstofu um orkumál á Vestfjörðum sem haldin var á Ísafirði 6. apríl af Vestfjarðastofu fyrir hönd Fjórðungssambands Vestfjarða.

01. apr. 2022Auðlindir, Umhverfi og náttúruvernd, Landbúnaður, Landgræðsla og skógrækt, Loftslagsmál, Atvinnuvegir, Atvinnuvegaráðuneytið

Tillögur að landsáætlun í skógrækt og landgræðsluáætlun samræmdar í matvælaráðuneytinu

Ráðherra gefur eigi sjaldnar en á fimm ára fresti út landgræðsluáætlun og landsáætlun í skógrækt til tíu ára í senn. Í áætlununum tveimur skal kveðið á um framtíðarsýn og stefnu stjórnvalda í landgræðslu og skógrækt með hliðsjón af markmiðum laga um skóga og skógrækt og laga um landgræðslu.

22. mar. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Loftslagsmál, Umhverfi og náttúruvernd

Drög að frumvarpi um verulega fjölgun rafmagnsbíla sem fá VSK-ívilnun birt í samráðsgátt

Drög að frumvarpi um verulega fjölgun rafmagnsbíla sem fá VSK-ívilnun birt í samráðsgátt Lagt er til að fjölga rafmagnsbílum sem geta fengið ívilnun í formi niðurfellingar VSK úr 15.000 í 20.000 með frumvarpi sem nú hefur verið lagt fram í samráðsgátt stjórnvalda. Ívilnanir hafa nú verið nýttar fyrir um 12.300 bíla og útlit fyrir að fjöldatakmörkun náist að óbreyttu síðar á árinu.

17. mar. 2022Umhverfis-٫ orku- og loftslagsráðuneytið, Umhverfi og náttúruvernd, Loftslagsmál, Auðlindir

Einföldun á regluverki í þágu smávirkjana

Guðlaugur Þór Þórðarson umhverfis-, orku- og loftslagsráðherra, hefur skrifað undir reglugerð ​sem ætlað er að bæta rekstrarumhverfi smávirkjana. Reglugerðin er hluti af tillögum starfshóps sem ráðherra orkumála skipaði árið 2020 með það að markmiði að bæta starfsumhverfi smávirkjana, með sérstakri áherslu á gjaldtöku vegna tenginga þeirra við dreifikerfi raforku.

08. mar. 2022Umhverfis-٫ orku- og loftslagsráðuneytið, Umhverfi og náttúruvernd, Náttúruvernd, Orka, Auðlindir

Ákvarðanir um orkuframleiðslu taki mið af loftslagsmarkmiðum Íslands

Loftslagsmarkmið Íslands þurfa að móta í ríkari mæli ákvarðanir um orkuframleiðslu og orkuflutning hér á landi en hvoru tveggja er grundvöllur fyrir orkuskipti í samfélaginu og frekari vöxt atvinnuvega. Orkuöryggi kallar á aukna raforkuframleiðslu og öflugra flutnings- og dreifikerfi sem aftur kallar á heildrænt skipulag orkukerfisins og samþættingu verkferla.

04. mar. 2022Umhverfis-٫ orku- og loftslagsráðuneytið, Náttúruvernd, Umhverfi og náttúruvernd

Ráðist í aðgerðir til að koma í veg fyrir olíumengun frá El Grillo

Ráðast á í tvær beinar aðgerðir á næstunni til að koma í veg fyrir olíumengun frá flaki flutningaskipsins El Grillo og verða þær fjármagnaðar af umhverfis-, orku- og loftslagsráðuneytinu. Guðlaugur Þór Þórðarson, umhverfis-, orku- og loftslagsráðherra kynnti aðgerðirnar í ríkisstjórn í morgun.

18. feb. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Umhverfi og náttúruvernd, Loftslagsmál

Fyrningarálag vegna grænna eigna

Með nýrri reglugerð, sem nú er í samráðsgátt, er lagt til að nýta skattalega hvata til þess að ná markmiðum í umhverfismálum, svo sem að draga úr losun gróðurhúsalofttegunda. Reglugerðin felur í sér fyrningarálag á svokallaðar grænar eignir, t.d. þær sem teljast til vistvænna samgangna eða eignir sem tengjast framleiðslu á endurnýjanlegri orku.

18. feb. 2022Húsnæðis- og mannvirkjamál, Umhverfi og náttúruvernd, Loftslagsmál, Félags- og húsnæðismálaráðuneytið, Innviðaráðuneytið, Umhverfis-٫ orku- og loftslagsráðuneytið

Kolefnislosun frá íslenskum byggingum metin í fyrsta sinn

Mat á kolefnislosun frá íslenskum byggingariðnaði er efni nýrrar skýrslu, sem er liður í aðgerðaráætlun stjórnvalda í loftslagsmálum. Skýrslan er liður í aðgerð C3, loftslagsáhrifum byggingaiðnaðarins og er fyrsti hluti að Vegvísi að vistvænni mannvirkjagerð.

16. feb. 2022Umhverfis-٫ orku- og loftslagsráðuneytið, Umhverfi og náttúruvernd, Loftslagsmál, Auðlindir

Drög að frumvarpi um bann við olíuleit og olíuvinnslu til kynningar í samráðsgátt

Umhverfis- orku-, og loftslagsráðuneytið hefur sett til kynningar í samráðsgátt stjórnvalda drög að frumvarpi um bann við olíuleit og vinnslu í efnahagslögsögu Íslands. Frumvarpinu er ætlað að framfylgja þeirri stefnu í stjórnarsáttmála ríkisstjórnarinnar​að engin leyfi verði gefin út til olíuleitar í efnahagslögsögu Íslands.