Efnisorð
Tegund

Leita eftir efnisorðum

Sýnir 501–550 af 1480
Raða eftir:
21. des. 2022Menningar-٫ nýsköpunar- og háskólaráðuneytið, Atvinnuvegir

Aukin framlög í staðla og stöðlunarstarf

Lilja Dögg Alfreðsdóttir, menningar- og viðskiptaráðherra, skrifaði í gær undir þjónustusamning við Staðlaráð Íslands um áframhaldandi framlag ráðuneytisins til staðla og stöðlunarstarfs. Hlutverk Staðlaráðs er að vera samstarfsvettvangur þeirra sem áhuga hafa á staðlastarfi og eiga hagsmuna að gæta af gerð og notkun staðla hérlendis. Einnig er Staðlaráð aðili að alþjóðlegum staðlasamtökum.

20. des. 2022Menningar-٫ nýsköpunar- og háskólaráðuneytið, Atvinnuvegir

Undirritun samnings um Heimagistingarvakt

Þann 15. desember undirritaði menningar- og viðskiptaráðuneytið samning við embætti Sýslumannsins á höfuðborgarsvæðinu um að framlengja átaksverkefni sem rekið hefur verið sl. ár undir yfirskriftinni „Heimagistingarvakt“. Samkvæmt lögum 85/2007 hefur Sýslumaður eftirlit með skráningarskyldri gististarfsemi sem og annarri rekstrarleyfisskyldri gististarfsemi.

13. des. 2022Menningar-٫ nýsköpunar- og háskólaráðuneytið, Ferðakostnaður, Atvinnuvegir

Stórbætt öryggi og betri upplýsingar til ferðamanna í Reynisfjöru

„Aðstæður í okkar fallega landi eru að mörgu leyti frábrugðnar því sem ferðafólk þekkir í sínu umhverfi. Það er því hlutverk okkar sem gestgjafa að upplýsa gesti okkar um þær hættur sem leynast í okkar stórbrotnu náttúru til að tryggja öryggi þeirra eins og frekast er unnt en jafnframt að gæta að orðspori Íslands sem öruggs lands. Ég vil þakka öllum þeim sem komu að þessu verkefni kærlega fyrir þeirra framlag,“ segir Lilja Dögg Alfreðsdóttir, menningar- og viðskiptaráðherra.

09. des. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Evrópsku kvikmyndaverðlaunin haldin í Hörpu um helgina: Stærsti viðburður sinnar tegundar á Íslandi

Evrópsku kvikmyndaverðlaunin verða haldin í Hörpu á laugardag. Þetta er einn stærsti viðburður af þessari tegund sem haldinn hefur verið á Íslandi og fyrsti svokallaði A-lista viðburðurinn sem haldinn hefur verið hér á landi. Þau Ilmur Kristjánsdóttir og Hugleikur Dagsson verða kynnar hátíðarinnar. ​

07. des. 2022Umhverfis-٫ orku- og loftslagsráðuneytið, Auðlindir, Umhverfi og náttúruvernd, Loftslagsmál, Orka, Atvinnuvegir

Græni dregillinn fundar í fyrsta skipti - stýrihópur um eflingu umhverfis- og loftslagsvænar nýfjárfestingar

Stýrihópur um eflingu umhverfis- og loftslagsvænar nýfjárfestingar eða Græni dregillinn, kom saman í fyrsta skipti í Grósku á mánudag. Guðlaugur Þór Þórðarson, umhverfis-, orku- og loftslagsráðherra skipaði stýrihópinn í síðasta mánuði.

06. des. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Hildigunnur Birgisdóttir fulltrúi Íslands á Feneyjatvíæringnum árið 2024

Hildigunnur Birgisdóttir hefur verið valin fulltrúi Íslands á Feneyjatvíæringnum í myndlist sem haldinn verður í sextugasta sinn árið 2024. Tvíæringurinn er einn mikilvægasti vettvangur samtímalistar á heimsvísu og það er mikill heiður fyrir þann myndlistarmann sem valinn er til þátttöku á tvíæringnum hverju sinni. Þátttaka Íslands á Feneyjatvíæringnum hófst árið 1960 og hafa margir fremstu listamenn þjóðarinnar sýnt þar m.a. Jóhannes Kjarval, Ragnar Kjartansson, Hrafnhildur Arnardóttir, Rúrí og Egill Sæbjörnsson. Kynningarmiðstöð íslenskrar myndlistar hefur líkt og undanfarin ár umsjón með íslenska skálanum fyrir hönd menningar- og viðskiptaráðuneytisins.

02. des. 2022Atvinnuvegaráðuneytið, Ferðaþjónusta, Flug og flugvellir, Atvinnuvegir

7,8 milljónir farþega um Keflavíkurflugvöll 2023

„Ein af lykilforsendum fyrir velgengni Íslands eru greiðar samgöngur við umheiminn og öflugur alþjóðaflugvöllur,“ sagði Lilja Dögg Alfreðsdóttir, menningar- og viðskiptaráðherra á fundi ISAVIA þegar fyrirtækið kynnti farþegaspá sína fyrir árið 2023. Þar er gert ráð fyrir að 7,8 milljónir farþega fari um Keflavíkurflugvöll á næsta ári sem er þriðji mesti fjöldi farþega um völlinn á einu ári frá upphafi. Þá er því spáð að 2,2 milljónir ferðamanna komi til Íslands árið 2023 en aðeins einu sinni áður hafa fleiri komið til landsins á einu ári eða 2,3 milljónir metárið 2018.

01. des. 2022Atvinnuvegaráðuneytið, Landbúnaður, Niðurstöður útboða, Atvinnuvegir

Niðurstaða úthlutunar á ESB tollkvótum á landbúnaðarafurðum fyrir tímabilið 1. janúar til 30. júní 2023

Laugardaginn 19. nóvember sl. rann út tilboðsfrestur í tollkvóta vegna innflutnings á landbúnaðarafurðum frá Evrópusambandinu samkvæmt reglugerð nr. 1150/2022 fyrir tímabilið 1. janúar til 30. júní 2023. Útboðsverð tollkvóta ræðst af lægsta samþykkta tilboði í hverjum vörulið, þ.e. jafnvægisverði. Tilboð eru samþykkt frá hæsta boði til þess lægsta innan þess magns tollkvóta sem í boði er. Samtals bárust 26 gild tilboð í tollkvótann.

25. nóv. 2022Atvinnuvegaráðuneytið, Menningarmál, Neytendamál, Atvinnuvegir

Styrkir til staðbundinna fjölmiðla utan höfuðborgarsvæðisins

Markmið með styrkveitingum til einkarekinna staðbundinna fjölmiðla utan höfuðborgarsvæðisins er að efla starfsemi þeirra enda gegni þeir mikilvægu hlutverki við að tryggja aðgengi almennings að upplýsingum um menningar- og samfélagsmál og styðji með þeim hætti við lýðræðisþátttöku og menningarstarf. (3. gr. reglna nr. 1265/2022 um styrki til staðbundinna fjölmiðla).

25. nóv. 2022Atvinnuvegaráðuneytið, Menningarmál, Menntamál, Neytendamál, Atvinnuvegir

14% fjölgun barna- og ungmennabóka milli ára

Til marks um grósku í íslenskri bókaútgáfu fjölgar barna- og ungmennabókum sem kynntar voru á árlegri barnabókamessa Félags íslenskra bókaútgefenda fyrir starfsfólk leikskóla og skólabókasafna um 14% milli ára. Viðburðinn er mikilvægur gluggi fyrir lykilfólk í læsisuppeldi yngri kynslóða en Lilja Alfreðsdóttir menningar og viðskiptaráðherra leit við á messunni í Hörpu.

24. nóv. 2022Atvinnuvegaráðuneytið, Auðlindir, Alþjóðasamningar, Sjávarútvegur, Atvinnuvegir

Norðaustur-Atlantshafsfiskveiðiráðið bannar löndun á karfa af Reykjaneshrygg

Á 40. ársfundi Norðuraustur-Atlantshafsfiskveiðiráðsins (NEAFC) sem haldinn var í London dagana 15.-18. nóvember, samþykktu aðildarríki ráðsins að banna löndun, umskipun eða aðra þjónustu við skip sem stunda veiðar á karfa á Reykjaneshrygg. Rússar hafa haldið þar áfram karfaveiðum þrátt fyrir skýra vísindaráðgjöf Alþjóðahafrannsóknaráðsins (ICES). Tilgangur samþykktarinnar er að þrengja að þessum veiðum og þrýsta á að öll aðildarríki samþykki vísindaráðgjöf ICES sem grunn veiðistjórnunar.

22. nóv. 2022Atvinnuvegaráðuneytið, Auðlindir, Fiskeldi, Landbúnaður, Sjávarútvegur, Atvinnuvegir

Skotar og Íslendingar takast á við svipaðar áskoranir í landbúnaði

Pete Ritchie frá samtökunum Nourish Scotland flutti erindi á Matvælaþingi sem hófst í morgun. Í erindinu kom fram að Skotar glíma við svipuð vandamál í landbúnaði og Íslendingar. Til að mynda er mikil áhersla lögð á ræktun sauðfés og nautgripa í báðum löndum, og stór landsvæði henta ekki til hefðbundinnar akuryrkju.

22. nóv. 2022Menningar-٫ nýsköpunar- og háskólaráðuneytið, Menningarmál, Utanríkismál, Vísindi nýsköpun og rannsóknir, Atvinnuvegir

Lilja leiðir viðskiptasendinefnd til Suður Kóreu

Lilja Alfreðsdóttir menningar- og viðskiptaráðherra fer fyrir íslenskri viðskiptasendinefnd til Suður Kóreu þar sem sérstök áhersla er lögð á menningu og skapandi greinar. Tilefni ferðarinnar er að í ár fagna Ísland og Suður Kórea 60 ára stjórnmálasambandi milli landanna en löndin tóku upp formlegt stjórnmálasamband þann 10. október 1962. Var þessum tímamótum meðal annars fagnað fyrr í haust þegar að sérstök sendinefnd á vegum Suður Kóreskra stjórnvalda heimsótti Ísland.

22. nóv. 2022Atvinnuvegaráðuneytið, Ferðaþjónusta, Atvinnuvegir

Frumvarp um bílaleigur og kröfur til leyfishafa vegna íslenskra aðstæðna í Samráðsgátt

Lilja Dögg Alfreðsdóttir, menningar- og viðskiptaráðherra, hefur sett í samráðsgátt stjórnvalda drög að frumvarpi um breytingu á lögum um leigu skráningarskyldra ökutækja, nr. 65/2015. Er frumvarpið síðari hluta lagabreytinga sem byggja á tillögum OECD um samkeppnishæfni, í þeim tilgangi að halda áfram að bæta rekstrarskilyrði íslenskrar ferðaþjónustu.

22. nóv. 2022Atvinnuvegaráðuneytið, Auðlindir, Fæðuöryggi, Fiskeldi, Heimsmarkmiðin, Landbúnaður, Loftslagsmál, Sjávarútvegur, Verslun, Atvinnuvegir

Svandís Svavarsdóttir, matvælaráðherra, setti Matvælaþing 2022 í morgun

Fullur salur er í Silfurbergi í Hörpu þar sem samankomnir eru fulltrúar allra þeirra greina sem koma að framleiðslu, vinnslu og dreifingu matvæla á Íslandi. Einnig er finna meðal þinggesta fjölbreyttan hóp fulltrúa félagasamtaka og stofnana sem tengjast matvælum á einn eða annan hátt. Sýnir fjölbreytnin vel áhuga fólks á málefninu. Þetta er í fyrsta sinn sem Matvælaþing er. haldið hér á landi.

17. nóv. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Þjóðargjöf í viku íslenskunnar: 550 eintök af heildarútgáfu Íslendingasagnanna

„Það er mér heiður og ánægja að taka við þessari merku þjóðargjöf,“ segir Lilja Dögg Alfreðsdóttir, menningar- og viðskiptaráðherra sem í dag tók við 550 eintökum af heildarútgáfu Íslendingasagnanna sem gefin verða til mennta-, menningar- og heilbrigðisstofnana vítt og breitt um landið. Saga forlag hafði veg og vanda af fimm binda hátíðarútgáfu sagnanna, sem út kom í tilefni af 100 ára afmæli fullveldisins.

16. nóv. 2022Atvinnuvegaráðuneytið, Félags- og fjölskyldumál, Menningarmál, Menntamál, Neytendamál, Sveitarstjórnir og byggðamál, Vísindi nýsköpun og rannsóknir, Barnaréttur, Ferðaþjónusta, Iðnaður, Jafnrétti, Mannréttindi, Sveitarfélög, Atvinnuvegir

Dúndur diskó Bragi Valdimar fékk verðlaun Jónasar

Bragi Valdimar Skúlason, tónlistarmaður og textasmiður, hlaut í dag Verðlaun Jónasar Hallgrímssonar. Verðlaunin eru veitt árlega, á degi íslenskrar tungu, þeim einstaklingi sem hefur með sérstökum hætti unnið íslenskri tungu gagn í ræðu eða riti, með skáldskap, fræðistörfum eða kennslu og stuðlað að eflingu hennar, framgangi eða miðlun til nýrrar kynslóðar. Sérstaka viðurkenningu dags íslenskrar tungu hlaut að þessu sinni verkefnið Tungumálatöfrar á Ísafirði sem býður upp á upp á málörvandi umhverfi í gegnum skapandi kennsluaðferðir fyrir fjöltyngd börn.